話説我同男朋友去旅行，間酒店睇落都乾淨
或者係我唔好彩啦
發生咩事呢
就係喺我沖完涼嘅時候，我抹緊身準備着衫，突然見到有曱甴爬
，跟住我就大嗌咗一聲
佢跑咗過嚟，一開門見到我乜都冇着，即刻擰轉，跟住問我做咩
講完之後佢就叫我出去着，仲驚我凍親，好細心幫我熄咗冷氣
，叫我可以慢慢着好先至叫佢出嚟
真係醜死怪
咁大個女仲發生呢啲嘢
瞓覺嗰陣，佢一開頭係叫我攬住佢（平時都係佢攬我），瞓瞓下佢就問我可唔可以唔攬住瞓
我好驚
以為係咪做錯咗啲咩，我淨係講咗兩個字，問佢「點解」，已經忍唔住眼濕濕
可能佢都feel到我想喊，知道我誤會咗，即刻氹返我
原來佢係驚自己忍唔住
雖然以往佢攬住我瞓都係會勃起頂住我，但係我哋都好順利瞓到覺
佢本身以為背向我，我攬佢就會冇事，但原來一樣都係會刺激到，佢話feel到我個胸好軟，所以佢先至問我可唔可以唔攬
我就同佢講如果真係好辛苦嘅話其實我唔會怪佢去釋放下，我唔會覺得自慰就等於唔鍾意女朋友，甚至如果佢想嘅話就算喺我隔籬我都唔介意
講起就有啲自責，雖然過去嘅經歷唔完全係我嘅責任，但我仲未move on到，搞到佢拍咗拖咁耐都唔能夠有正常嘅性生活
所以其實我真係好感動
，同埋好多謝佢咁愛我，為咗我忍耐咗咁長時間
或者我都應該勇敢啲踏出第一步
例如一齊沖涼，慢慢增加一啲身體接觸，畀自己去適應
好開心你願意分享你嘅經歷比我哋聽
雖然你覺得喺呢個情況之下比另一半見到自己嘅身體好醜死鬼
但因為呢個小插曲亦都睇得出你另一半係體貼同細心嘅人~感受到你哋相處之間，互相都帶住體諒、溫柔同尊重，呢啲都係喺一段關係入面好難得嘅要素，亦係為建立關係定下咗好好嘅基石
俾多啲寬容自己，一步一步黎，大家會搵到最舒服同合適嘅相處方法