小弟今年30歲 自從係中一開始接觸到av開始就係第二年開始有打j習慣 尤其係一個人係屋企時候就容易因為寂寞而睇av打j 直到十年前睇見一啲戒色文章都認同入面所講嘅野試過無數次立定決心想戒甩去，希望會有一個更加好嘅自己，可惜一直都係破戒
有曾經上過一樓一，幾前年一次真菌感染已經冇再去，而家最多都係上網買下原味睇下av打j嚟滿足下自己，但係呢啲真心只係一啲治標唔治本，望返人哋30歲已經成家立室，自己仲沉迷係性方面就覺得好失敗，但係想戒又戒極都唔甩，所以想聽下有咩意見幫到自己
Hello 睇得出你好想戒色，或者係戒自慰呢個行為。
首先，每個人都有自己嘅步伐，當然有啲人30歲已經成家立室，但同時亦有好多人嘅生活完全唔係咁，而且每個人對於成功或者滿足都有唔同嘅定義同諗法，所以你都絕對唔係失敗，而且唔需要刻意強迫自己同其他人一樣，太常比較反而會造成壓力，而壓力都可能會加重咗自己自慰嘅習慣。
另外都可以諗清楚自己每次自慰時係諗緊啲咩，或者係有咩推動自己，例如係因為太寂寞？有壓力？定係有咩其他原因？
如果係因為咁，適當地發洩都係好事，不過如果唔想經常以呢種方式發洩嘅話，都可以考慮搵其他習慣代替，例如可以係做運動或者搵啲活動參加，或者其他嘢做吓，一來都有助減輕壓力，二來亦都可以令自己少啲時間少啲機會自慰。沉靜可以考慮有色情，或者自慰想法時，即刻做啲容易做到而又輕便嘅運動，例如喺屋企做吓深蹲或者落街跑吓步咁。
另外都可以考慮刪除晒啲記錄，或者block晒接觸到嘅色情來源，減少接觸，就冇咁容易受到吸引而影響思緒。
另外都可以將目標唔好set得太大太遠，咁樣反而因為太難做到而可能有反效果，例如唔需要一開始就話完全唔可以自慰，可以試吓一開始係將目標變為兩日一次、三日一次、四日一次、一星期兩次、一星期一次，慢慢將目標升上去。
明白可能會感到好挫敗，但好多時都唔能夠一步登天，就算唔能夠一次就成功都唔需要俾太大壓力自己，亦都唔需要怪責自己，經常性咁樣諗住反而可能增加咗自慰嘅諗法。慢慢俾多啲時間同機會自己，反而更加容易做得到。
以上都只係一啲參考嘅方法，希望可以幫到你，加油啊
多謝解答
希望未來都可以有樣有益身心嘅野能夠代替到色情
1個讚