我23號探熱係36.5，前幾日都係高溫期
應該會來，今日都仲未來，上個月4月22號來
我一直都有睇中醫，因為去咗旅遊冇睇中醫
心情差，行路行得多又腳腫，以加又未來m
返到香港又要減肥，本身係多囊
感覺你有好多嘢要煩惱同想處理
我諗道理你都明，心情啊生活習慣啊好多因素其實都會好影響到你月經。特別你提到本身你就有多囊卵巢症，所以其實月經失調都係一件常見嘅事。
我知道叫你唔好咁擔心都難㗎啦，所以我另一個角度咁睇，會唔會可以排返好你要做嘅嘢嘅清單先？例如我咁樣聽落月經失調係有得處理而你又好擔心嘅嘢嚟，但只係未有時間處理，咁會唔會你可以去安排睇返醫生先？咁睇完你又安心啲同時又解決咗你最大嘅煩惱；另外，我諗減肥都係你想做嘅嘢，但我相信唔係容易同快做到嘅事，咁會唔會可以拆細啲目標嚟開始咗先？例如係開始飲食控制、定期運動等等。
有時當自己覺得生活一團糟嘅時候，都可以排定下一啲生活嘅目標，慢慢咁做返起，就自自然然會開始無咁擔心～
返到香港搵中醫調理下，我1月都試過48日先來