首先係關於男仔
當我好温柔去刺激男朋友嘅時候，佢係好持久，我好攰佢都未射
當我想自己舒服啲嘅時候（我比較enjoy高速嘅動作），佢就超容易射
而嗰個差距係唔成比例
即係例如假設姿勢係女上，當我郁得快啲嘅時候，其實唔係真係快好多，動作一定唔會快咗兩倍，但係佢堅持嘅時間就少咗差唔多一半，甚至得返四份一
好似講得太公式化，現實未必會一樣
啓發到我諗一樣嘢，會唔會其實係佢承受高速刺激嘅能力差所以導致呢個現象
因為平時都有練edging，比起好耐之前係真係持久咗，但係當動作一快嘅時候其實都係冇乜嘢分別
所以第一個想問嘅問題就係
會唔會有辦法可以提升到龜頭/陰莖承受高速刺激嘅能力
跟住到女仔
無論我哋用乜嘢姿勢，陰莖都冇辦法完全插入陰道
已經加咗好多潤滑
前戲亦都唔係冇
所以第二個問題就係
會唔會係我太緊張
或者前戲時間仲未夠長
多謝工作人員有耐性睇晒同埋花時間解答我
好似好長氣
Hello
多謝你願意將咁私密嘅問題同我哋分享
其實你哋有一齊練習edging，而且喺練習過程入面都見到有進步，已經係好好嘅嘗試，呢個對於提升陰莖承受刺激嘅狀況上都會有提升
另一方面，關於陰莖無辦法完全插入依方面，有機會係盆底肌肌肉緊張收緊，令陰莖未有辦法完全進入，當然潤滑、前戲都可以幫到手，但重點係你嘅心情同放鬆程度，有時可能越要求自己放鬆反而會有反效果。親密關係都唔止插入式性行為，擁抱、親吻都可以提升親密感，性行為亦唔係任務導向嘅活動，除咗身體感受之外，心情上嘅舒適感都要兼顧到喔
尺寸會唔會都有關係
即係有冇可能係佢太長
或者真係我陰道偏短
冇錯啊
佢係會好care我嘅感受，唔會好心急，所以其實前戲我都已經心理好滿足
一般情況下，陰道長度大約有 7-8cm；當性興奮嘅時候，子宮頸會向上提升，陰道會拉長到11-12cm。所以有時偏緊張，陰道肌肉會收縮，反而會令陰莖較難進入陰道，只要唔影響日常生活或性行為，陰道長度係無絕對「正常」嘅標準的
即係一般情況下如果陰莖超過12cm，就會有機會feel到有阻力？
因為試過幾次都唔得，佢就覺得有嘢頂住，我就覺得好痛，所以佢而家都好温柔，驚太肉緊動作太大整會整痛我
Hello~因為身體因人而異，陰道喺放鬆同性興奮時嘅長度都有唔同，所以難啲話一般情況幾多cm嘅陰莖進入陰度會feel到阻力～
正如上面同事所講，可以透過前戲令身邊放鬆，咁喺性交時不適度會減低，同時都唔需要以陰莖完全進入陰道為目標，亦都可以嘗試唔同嘅姿勢～