我5月19號嚟M 27號完 6月2號性行為 全程帶套 佢話佢中間射咗少少 然後最後係 企喺度後入 佢射完之後仲郁咗一下 唔知係咪嗰下已經冧咗 我出嚟嘅時候個套仲喺佢陰莖上面 然後我發現我同佢嘅大腿內側都有佢嘅精 我自己伸手入去陰道 再聞一下係冇精液嘅味道 再check個套亦都係冇穿到 但係我好難肯定咁啱陰道口嘅內側／外陰有冇精 但凡喺陰道口入面都會有可能向上游㗎嘛
如是者6月13號我就用咗cb嘅早測驗孕棒 發現好似失效？左邊視窗係橫線而且比較淺色，右邊係直線，而我見佢嘅示範圖如果未懷孕只會出現一條線，左邊視窗係會為空白，因為我過往經驗都係咁樣，請問我係咪要再check過？亦都驚唔准..，同埋我平時嚟M都係會推遲三到七日 所以一直都排卵唔准 而且4月食過緊急避孕藥 擔心會有排卵提前嘅狀況
更正返：原來我買咗嗰個係普通cb 唔係早測 會否影響結果？eg.時間仲早，測唔到
受精卵著床一般需要6-9日，所以係性行為後7日使用驗孕棒的話會有初步嘅結果，而11日後或者預計經期嘅日子驗孕結果會比較準確～所以2號發生性行為，13號驗孕，檢測結果都係相對準確嘅，建議驗孕棒可以用朝早起身第一次嘅小便，hCG濃度會最高，最能夠反映結果，通常一至3分鐘內會顯示～如果懷疑結果唔準確，可以用電子驗孕棒，直接用文字顯示結果，可以大大減少理解錯誤嘅機會
其實主要想知道埋嗰次性行為有冇風險&會否提早排卵，以及普通cb驗孕棒會唔會影響到結果。有冇其他工作人員可以解答一下我thxxx
Hello~我分開三個問題回覆你呀
Q1: 嗰次性行為有冇風險
A1: 如果安全套仍然套喺陰莖之上，但又摸到大腿內側有精液，有機會係陰莖射精後變軟，所以安全套唔緊貼陰莖，精液從空隙中流出。雖然精液有流出，但安全套無穿，而且仲套係陰莖上，只能話有輕微懷孕風險，最好都係以驗孕棒檢測為準
Q2: 會否提早排卵
A2: 你提到4月食過緊急避孕藥，所以最近啲呢三個月經期可能有浮動，不過每人體質唔同，所以如果想知幾時排卵，需要用返排卵棒/試紙去檢測，單從體溫或情緒轉變因素，未能判斷有冇提早排卵
Q3: 普通cb驗孕棒會唔會影響到結果
A3: 正如同事所講，一般驗孕棒可以喺性行為後11日進行檢測，得到較準確的結果所以如果你2號發生性行為， 13號做檢測已經可以有相對準確結果換言之普通cb驗孕棒唔會影響到結果
1個讚