到底性係咪邪惡嘅呢?

我其實對呢性呢樣本野嘅概念都唔太清晰,可能因為世俗影響,同埋我年紀較小,覺得佢係不整潔的。
當我每次同男朋友sweet個陣(冇性關係,只係摸下佢下面,當然佢冇着褲)當時係好開心,但經常過後都有罪惡感同成日驚有bb(心知一定冇可能,我地2個下面冇直接接觸,而且佢連精都冇射),但成日過後都會驚,到底我係咪有問題?有冇人都試過咁?

1個讚

世俗上嘅眼光會覺得年輕細唔應該有情慾同埋性接觸,而性接觸會懷孕而產生嘅「後果」,亦都會影響你對性嘅睇法。

首先我覺得細個對性事好奇,甚至有性需要,都係正常嘅身心理反應,並不是邪惡。而性接觸時有足夠嘅安全措施,懷孕嘅風險係非常之低,所以唔需要抱住擔心嘅心情。

你不妨接納自己對於性嘅睇法,亦都需要同伴侶係安全措施上溝通好,咁樣你會得到歡愉之外,心理負擔可以減輕一啲。

好認同@siuhokei 嘅睇法.
亦都好多謝你咁坦白咁同我地分享你嘅睇法。

你嘅擔心唔係唔正常, 如果你地繼續會有親密接觸, 而你依個諗法又唔走, 你可能會好辛苦。除左@siuhokei嘅建議之外, 你都可以同你男朋友分享下, 睇下佢點睇。

多謝你地先,其實我都覺得係幾痛苦嫁。每一次親密完,我地冇直接嘅性關係,雖然每次佢都冇射精,但摸完佢下體又一定會用洗手液洗手,但總係覺得會有精子係手。但當我之後可能過左一個鐘,去完廁所用紙抹下體時,又會驚會唔會有精子入左去。明知冇可能咁會有,但總是要到真係月經來個時先釋出疑慮。最近又係因為呢個情況而有啲擔心,明知冇可能,但總係咁諗。身邊的朋友又唔講得,佢地有啲有宗教背景,覺得性接觸係邪惡而不可接受的,我完全唔敢同佢地分享

精子係乾燥嘅環境就好快死,加上你有用梘液洗手,真係無需要杞人憂天。
朋友圈子有宗教信仰,佢地對性嘅睇法都會加深你對性事嘅不良印象。
呢度都係一個好地方等你講下自己嘅疑慮架呢:grinning:

係呀,其實真係好開心有呢個平台可以比我分享我嘅睇法,同埋唔會驚啲資料係假嘅:)
其實朋友有時會比佢地嘅宗教刊物我睇,入面講到有性接觸甚至係有性嘅思想就係不純潔,係有罪嘅。我知道之後都唔敢同佢講我對性的憂慮,比佢知道左唔知會點睇我。
明明自己讀bio,知道到底生理結構係點嘅一回事,但觀念上好似啲好古老嘅思想咁,掂下就會有左╮(╯_╰)╭其實呢種驚嘅感覺都幾影響我日常生活嫁。
不過係到分享完,同見到係你地嘅comment,我都開始慢慢改變心態了:)

1個讚

唔係。大小二便係咪邪惡?唔係。性係基本正常身體需要,同大小二便一樣,冇話善良定邪惡,人體構造就是這樣。我哋要大小二便因為身體知道要排毒,而我哋要性係因為身體係認定咗我哋要生下一代。當然因為社會同科技發達,我哋已經唔需要同其他動物一樣生下一代嚟維持我哋嘅物種,因為我哋有科學有醫生有藥。睇多啲evolution theory同biology你就會明白性只不過係基本生理需求,正或邪係故仔作出來的。所以唔駛驚,到真係有性行為嘅時候做好安全措施就冇問題啦。

2個讚

好,我明白了。其實性係正常嘅事,我要盡量改變我心態先得

1個讚

同埋我想問,今個月月經又遲左來。3月開始我每晚都2點先訓,學業都有壓力,以前都唔係咁遲訓嘅,之後衣家比2月遲左6天來,會唔會係因為咁搞到遲左來?一遲來又驚有,明明就冇做過。。

作息唔定時同學業壓力, 的確係會令佢遲左黎嘅。如果你之前無性行為的話, 又唔需要太擔心呢。

今日來m了,自己真係太杞人憂天了,遲啲一定要同男友好好傾下呢個問題先得