我已經食左兩個月yaz，本身應該係24號黎M，但最後提前左一日，23號就黎左。
因為我去緊旅行所以我24號，亦即係我經期第二日先開始食藥，而尋晚25號發生性行為，即係食緊第二粒藥，因為安全套穿左而意外內射，請問我有需要食事後藥嗎？
我最後一粒粉紅色藥係19號朝早食
你好呀
唔好意思啊遲咗咁多覆你
不過睇返你呢個情況都唔洗太擔心
因為一般嚟講，你有keep住食事前避孕藥（前提係準時服用，冇食錯或者漏食），其實已經建立咗一個避孕嘅作用；加上你最終係有出現月經，所以其實已經代表意外懷孕嘅風險係非常之低
所以都唔洗太擔心
好欣賞你係服用事前避孕藥嘅同時，亦都有使用安全套呢個係一個好好嘅安全性行為習慣
但如果之前用安全套時，都會間唔中出現穿套嘅情況，就可能要留意吓會唔會係使用安全套嘅方法有錯或者係用緊啲過期嘅安全套等等