食緊第9盒優思明
我係12號漏服過一次藥
13號晚食藥時補返
漏服前7天內有過無保護性行為
尋日18號係呢盒藥最後一粒
但係粒藥跌咗搵唔翻
今日19號都冇食到藥
我依家呢個情況可以點處理？
可唔可以直接等月經第一日再開新一盒
當重新開始食藥？
Hello
你喺12號漏服嘅藥喺13號有補返，基本上24小時內補服問題都不大的，加上無保護性行為係喺漏服之前7天發生，12號前有照指引服食避孕藥的話，基本上唔會有影響～
另外關於18號跌咗避孕藥嘅話，你可以考慮將18號當成提早停藥嘅第一日，停藥之後撤退性出血會喺大概2-4日內出現，喺停藥嘅7日後（即係25號）就可以重新開藥～
但係我性行為同漏服係7日內發生，即係9號，之後12號漏服嘅藥係13號服藥時間先至補服，18號又漏服，7天內連續漏服2次係咪都冇問題？
Hello~你話9號發生性行為係無用安全操施，應該係指無用安全套？因為你本身有定時服用避孕藥嘅話，其實已經係安全操施之一～佢可以幫助抑制排卵，增加子宮頸分泌物黏稠度，阻止精子通過，同埋改變子宮內膜環境，令精子難以著床。所以只要你之前有持續按時服藥，累積咗藥效，12號漏服藥都唔會影響到漏服前嘅避孕功效。而18號漏服，可以視為提早停藥，只要喺停藥後7日重新開始服藥咁就可以啦～ 一般嚟講，當然最好係定時服藥，但今次嘅7日內連續漏服2次對避孕同調經上都無太大影響，可以唔使擔心~