啱啱性行為個陣無留意原來個套穿左 最後係外射先發現 但咁夜周圍都買唔到藥 家計會又要星期一先開 然後我同男朋友都好慌 係網上醫生 醫遞遞度買左緊急避孕藥
對上一次經期遲左黎 5/9-11/9 咁個安全期應該點計？
想知道個機率會唔會細啲 雖然而家計黎都無咩用但都係好驚呀呀呀呀
明白你呢刻會好慌張，而喺發現安全套穿咗嘅情況下，你哋已經做咗最正確同有效嘅第一步
緊急避孕藥有兩款，一款係性行為後 120 小時內服用；另一款係72小時內服用，要睇清楚服用嘅係邊一款，並且跟指引服用。
關於安全期嘅計算，佢係透過計算過去嘅月經週期，預測下一次排卵嘅時間，從而避開排卵期，所以需要睇返之前你經期嘅平均日數去推斷下一次月經周期先計到安全期。不過需要提返，安全期只係科學數字嘅計算，當中嘅影響因素太多，包括：情緒波動、荷爾蒙變化、生活作息等等，所以安全期嘅準確度約只有74%，相比其他安全措施成效低。
另外，留意你提及發現安全套穿咗係外射嘅時候先發現，所以想補充返體外射精並唔係一個有效嘅避孕方法，喺正確使用安全套嘅情況下，效用可以高達98%，並唔需要再除套體外射精。反而體外射精有機會喺拔出體外嘅時候，除咗令精液/尿道球線液（pre-cum)接觸陰道，亦會令安全套破裂嘅風險提高。如果想避免安全套破裂，另一個方法係可以選擇返合適嘅尺寸、保持安全套有足夠潤滑，另外跟足指引佩戴，咁樣可以令安全套破裂嘅風險減到最低～
我係星期日朝早食左一粒安立婷 12個鐘內食左 但我見啲人話超過70公斤藥效會減低 咁我應唔應該而家食多一粒120小時內個啲？
我頭先去左家計會check 醫生比左兩粒藥我因為bmi超過26驚劑量太少會導致效用降低，但佢話其實唔確認咁樣係咪真係可以避孕
我有問過佢之前有冇咁樣嘅案例食兩粒，醫生都話有
但佢呢個回覆搞到我好焦慮，想問吓咁樣其實有冇降低到懷孕機率？定係其實嗰粒藥根本會冇效？
即係而家19號食咗一粒，然後今日食咗兩粒
Hello~ 去家計會睇醫生係一個十分正確嘅做法，而你都有按照醫囑服用咗兩粒藥。時間上，你72小時內食咗3粒藥，相信都可以發揮到事後避孕藥嘅功效，唔需要太擔心。
好呀唔該晒