政府不聽民意，但我從善如流，開個新Post。
我妹二十出頭，未拖過手，見到朋友拍拖，少女情懷總是詩，經常愁眉不展。
想帶佢去Speed dating，但怕遇到情埸騙子智多星。
介紹我啲朋友，但多數年紀大，未必o岩佢。
妹妹讀緊大學，可能以前讀女校，無咩接觸男人，除咗我同老豆，唔識同其他男仔相處。
好似幾星期前，識咗個男，whatsapp幾日，就冇聯絡。
人生有幾多個十年？ 依家二十，好快三十四十，五十六十，有啲擔心佢會做老姑婆。
咁o既年紀未拍過拖，正不正常？
關心妹妹，人之常情，但妹妹已長大(雖然我仲覺得佢係小朋友)，我是否過份關心？
應不應該放手，等佢走自己o既路？
一切隨緣，何必強求。多情自古空餘恨…
順便問 o下，前幾日，朋友介紹女仔畀我，whatsapp佢，冇回覆，代表o的咩？
好多人話，女人心，海底針，是真的嗎？
擔心屋企是好事，二十出頭單身也是正常的，我識得一些長輩女士很享受單身！
同意
多參加大學活動吧，
另外，做人也不是一味在尋找另一半，有時間便多培養自己興趣，也可以多看書，做一個有內涵的人。如果你妹妹有時間也可以研究一下化妝和打扮。單身是發展自我的好時候啊 
畢竟拍拖都是希望讓對方能與最好的自己一起
你講得o岩，廿歲仲好後生，來日方長，何必擔心。命運天註定，半點不由人，可能o係我打字o既一刻，佢轉角遇到愛。
會叫佢參加多啲活動，廣闊圈子，積極進修，都係好事。
講到尾，我擔心佢，好似我咁，可能一生獨行，無伴終老。
小弟接近三十，中不成，英不就，為人粗俗，講錯多過做啱，唔識同女仔相處。
好似之前o個女仔，唔覆我，或許覺得我係狗公。
你要明白，兩個麻甩佬，幾杯啤酒落肚，講咗咩衰嘢都唔知。
之前上網睇咗幾篇文章，講述第一印象，會決定將來o既發展，可能咁樣，佢討厭我。
我唔打算再搵佢，費事朋友左右做人難。
如果上天可以給我個機會再來一次的話…
冇錯
世上沒有醜女人，只有懶女人
咁男人使唔使學化妝
我想我都唔使，朋友都叫我鷹鼻梁朝偉
你妹妹的問題, 順其自然啦, 任何我們身邊的人, 即使有多緊張, 我們也不能代他們走他們的路.
不過, 有一個這樣關心她的哥哥, 她是很幸運, 這世上愛有許多種; 男女的愛也不一定能保證, 但家人的親情, 有今生, 無來世!!
我認為, 由興趣培養出愛情, 可能會比較穩陣, 先朋友, 後情侶, 看得真一點… 妹妹還年輕, 不用太急.
男人睇女人, 同女人睇男人, 可能有少少分別; 但當然, 個別人也有不同看法, 不排除女生也會把重點放在些較表面的條件: 例如是外表, 職業, 收入等等…
外表是天生的, 但善良的人, 通常有一股’靚’是人能感受到; OH, 不過, 整齊是必須的, 我也見過一些人, 衣不稱身, 頭髮’油立立’, 不剃鬚… 嘩, 想點呀?! 
同時, 男生要有內涵, 充實自己, 令自己有自信… 才能吸引高質素的女生 
嘩!! 鷹鼻梁朝偉, 咁對眼似劉華定朝偉先?! 哈哈 
感謝各位相助
可能風水問題，我同妹妹都係爛桃花 
似水流年，沒有愛過，是很可惜
那些年，仲係學生，同女仔單獨食飯行街，只試過一次，雖得半日左右，但是銘記於心
青春一去不回頭，回憶總是美好的
假若重遇，送佢我愛o既詩，Shelley: One Word is Too Often Profaned
唔知有冇機會呢 ?
或許佢會看到這 post 吧…哈哈哈
但可能忘了我
做好小事，女仔才會欣賞
佛靠金装，人靠衣装
一向衣著整齊 
但衰口臭，講野唔經大腦，特別同女仔
我都想似劉華同朝偉
可惜DNA出錯，兼且係人馬座，細過周董，遠看是一條地平線
每個人的DNA都是獨特的。
女仔唔一定只愛都敏俊，找找自己優點，慢慢總有人欣賞你的。
加油啊，年青版梁朝偉^^
P.S. 偉仔都係捱左好耐先出名架喎！