外陰生左一粒野

今日沖涼果陣無意發現到自己外陰生左一粒野
唔似暗瘡有頭頭 但係隱若見到係白白地色
而且摸落去會痛
之前我都試過生 但係好快好
今次比上次痛 有d驚唔知係咩黎:-/

照你咁講似係有癑, 所以你會見到白色而唔似暗瘡咁見到個粒黑頭
之前有無任何性接觸? 是否近來黎完M, 或者常用護墊? 會唔會成日著焗到陰部的衣著呢?

早排黎完m
但係同時間又腸胃炎 無乜點起身換m巾
唔知關唔關事🙈

咁樣的話有可能因為無換m巾,加上腸胃炎令陰部較多有害細菌,毛囊塞左搞到發炎。
現階段就只能忍忍手唔好整穿佢,同埋保持陰部乾爽,好大機會可以自然好返:
1)著棉質底底,少著緊身同焗身嘅底褲、絲襪、legging同熱褲,盡量著裙保持通爽
2)如果用護墊的話要勤換,唔好等好多白帶甚至濕晒先換
3)唔好用女性清潔液,避免當中嘅化學成份造成更大嘅刺激
4)留意便後嘅清潔方向,係應該由尿道往肛門方向清理
5)好返前唔好發生性行為同自慰

1個讚