以前我地成日都有性生活。
由幾年前開始，突然少咗好多，到結埋婚已經兩年，都係好少。差唔多2個月1次。
我地關係唔係"浪漫"果種，不過關係都很好。
我唔算醜樣，又冇太走樣，大家都30幾啫，我問佢係咪我老咗，佢又話唔係。
我相信佢冇去滾。冇第三者。唔係同性戀。工作朝九晚六，又唔係勞動工作。
其實每次做都唔smooth,佢好易中途軟番，陣風吹過打個乞嗤都會。
其實高潮更加係好多年冇試過，不過呢個目標更加遙不可及。
除咗性方面，其他佢都好錫我。
但係因為冇sex,我好唔開心。好沮喪，唔知點算。傾過，佢話唔知點解，又唔想我唔開心。但係我確實好唔開心，尤其假期(因為我覺得假期係最好時候)，以前會充滿期待，但係見佢又冇表示我就會更唔開心，有時好想喊，訓得唔好。我又唔想俾佢見到，唯有日頭自己出街避免共處一室又冇sex，到夜晚都係唔開心。
試過做主動又唔係好work,主動完一次又係一頭半個月都冇再做。
因為呢個問題，我情緒越來越差，見到佢打機/睇波etc就唔順眼，唔係介意佢做呢d嘢而係覺得呢d嘢都比我吸引。點解花時間賭馬都唔睇下av.我脾氣越來越差，好無助又冇人可以傾，感覺婚姻長此下去會亮紅燈。人前我地依然係最夾最幸福嘅夫妻，但係其實唔係。help!
你地幾年前，順利的性生活佢狀態係點架？呢幾年有冇咩身體或者工作上的大改變？
你地會唔會有生育嘅壓力? 例如長輩會經常提起想你地生BB咁?
當時偶然都會日日有一次，每次都係正常，唔會好似而家咁容易軟。
好似自從佢有一次藥物敏感，jj皮膚有d疹，冇做幾個星期，同埋番咗份較大壓力嘅工，之後就開始突然好少做。就算工作回復正常都好似冇咗性慾咁。由兩星期一次至個幾兩個月一次…
長輩冇乜俾壓力生b嘅，本來我地都諗住結婚2年就開始計劃，不過而家呢個狀態我又唔想生住，因為好唔想為生b而做，我希望小朋友喺隨住perfect,快樂嘅sex life而來，同埋婚姻有問題生小朋友好似有d不負責任…
唔好介意我咁樣問，因為有啲人會對長輩催促生育好敏感，所以會令佢地對性事產生厭惡感。
照你咁講佢係一次皮膚敏感，加上工作壓力而減少左做愛。個次嘅病會唔會影響到陰莖嘅外觀咁？會唔會佢怕你有任何誤會而唔想有親密行為？工作壓力係會令某啲人嘅性慾減低，一段時間之後可能佢已經習慣左咁樣頻率嘅性事已經足夠，就唔會再郁。
雙方有無嘗試過開心見誠咁傾過？
相信唔係長輩嘅問題。因為結婚前已經係咁。而且長輩雖然好恨抱孫，但係從來冇出聲提過，是很好的長輩。
外觀冇變化過。果次食錯藥應該冇"physical"的後遺症。
傾過，佢話唔係我問題，佢都唔知咩問題。總之就係冇乜性慾咁。佢好唔想我唔開心，但係我又控制唔到自己情緒亦唔想隱瞞。我又唔想佢為咗我開心而"交功課"，所以我都唔敢太多主動。我又驚主動而佢狀態咁啱唔好，會更打擊佢自信，又或者係我嘅自信。
佢話婚後都試過夢遺。
佢話為咗改善會試下睇下av,佢有冇真係咁做我唔知啦，因為佢話唔想喺我面前睇。
你说你很少有高潮，会不会是因为他觉得无法给你高潮，而觉得自卑，进而抗拒性爱？有没有试过其他方式刺激他？
似乎因為咁有負面情緒出現了，除左睇AV等自然多啲需要，佢有無意願想比較徹底地搵個原因呢？我覺得又未到令大家失去自信咁嚴重，但似乎你嘅身體同情感有爆發嘅傾向。
同先生做愛會唔會係你唯一解決性需要的渠道？身體有需要的站，自己滿足自己都係一個解決性需要的好方法，亦可以從中得到想要嘅高潮感覺。
心靈上面親密嘅需要，就需要比較長時間去重新建立。建議你地去搵婚姻輔導機構，由佢地幫手了解先生嘅問題係邊度，同埋可以點樣係親密行為上面再次有信心。時間係可能好長，亦都可能會起起伏伏，但夫妻同心的話，我相信會慢慢改善嘅。
我地今日傾過。佢覺得好似因為想令我開心，想勃起而有壓力。可能冇咗呢種壓力會好d。
於是我地協議，試下冷靜下，完全唔做唔試，過一段時間睇下會唔會令佢消除壓力。可能我每日都冇期望就冇失望，情緒會好d，咁佢壓力又冇咁大。
唔知有冇用，不過好似冇其他方法了
希望這一段時間能助你們減輕壓力。 這篇文章提到如何處理緊張的關係，你也可以看一看。
如果勃起是一個心理關口，也可以試試其他形式的性行為，例如口交或他用手幫你等，不用因勃起的問題而阻礙大家的滿足，因為性真的有很多方式。
每段感情都有高低起伏的時候，有時候需要更多時間去處理，難過時歡迎再找我們傾訴 
你地願意溝通係一件好好嘅事，好多夫婦都唔願意溝通，令關係更加差。你地都可以嘗試見下性治療師，因為心理上的壓力透過輔導會有改善。唔需要話一開始就去睇醫生，或者自己斷定係性冷感，咁樣會好大壓力。嘗試多d方法，例如按摩、親吻、擁抱，以上這些動作並不代表是一定要發生性愛，只是讓兩個人更親密。如果因為擔心性行為不順利而減少了愛侶之間的肢體接觸，會間接影響你地心情喔。
1個讚
多謝你地關心!其實可以喺呢度將唔開心嘅嘢講晒出嚟，已經舒緩咗好多。thanks all!
2個讚
會吾會可能佢本身係一個性冷感既人？我曾經聽香港有一個電台節目，專門講性事，有男聽眾話佢根本吾洗要性都得，吾會渴望去做，但本身性功能無問題，都吾係有第三者，吾射精吾手淫都得，覺得好正常，都吾會特登去諗，聽落去好似你先生咁既情況，可能有D人天生吾需要，但因為有老婆所以先做，不過呢D野因人而異，吾好俾咁大壓力自己呀:muscle:
搵一個你比較開心既方法
1個讚
對性沒有興趣或者沒有性慾，不一定代表性冷感。但我同意每個人的需要都不一樣，考慮見一見性治療師或者多增加夫妻相處，會對關係改善有幫助的。謝謝Cwong的信任，希望你和你先生都生活得開心。