如題，之前睇過醫生，醫生話應該係因為經期爛尾，啲血未清曬就會咁。當時唔記得問佢流幾日先算正常，衣家就流左4日，唔知咁算唔算正常呢？同埋飲薑湯會唔會令到啲m來少左，我之前就係飲左，之後明顯地少左，唔知會唔會係咁搞到經期完左後一個星期仲有血同啡色分沁物，有啲擔心唔正常。但月經週期停左，即係冇曬血，咁子宮內膜應該脫落曬啦？之後都會再流嘅?再流係咪都會排卯?
同埋其實自慰呢啲算唔算係性行為嘅一種呢？有時醫生問我有冇發生性行為，都唔知幫男友摸下面算唔算係lol
想問一下你黎左月經幾多年？除左之前醫醫生個次，有無試過連續咁有血同啡色分泌？
一般月經流血嘅日數約為5-7日，經血未清得晒有機會係荷爾蒙唔太穩定，例如剛剛黎經嘅幾年，有機會會有咁嘅情況。
至於飲薑湯會唔會影響經血流量同日數，要請教中醫師至得啦。
醫生問嘅性行為通常指做愛，有性器官間嘅直接接觸，自慰顧名思義係自己滿足自己。
我黎左都有6，7年啦，我冇咩試過咁，近排壓力好大，唔知會唔會因為咁而有呢啲分泌呢？
壓力大都會影響荷爾蒙分泌嘅，係學業定係其他方面嘅壓力？
主要來至學業，但身體的擔心例如衣家開post嘅問題都係壓力嘅一部份
似乎你需要放輕鬆一點了
你遇到嘅問題其實唔算嚴重，不過係會令平日生活麻煩啲
你所指嘅問題係咪心理問題?
無錯呢 - 你會唔會係比較緊張自己嘅人黎呢?
都係嫁，其實每逢關6性嘅野，總有一種莫明的恐懼，成日驚有左，但根本冇真正性交過，唔知係咪對青少年懷孕呢樣野太過敏