經期前有暗紅啡色分泌物😨

我上個月3月9日黎m,為期6日,去到3月14完,我有用app計算經期既習慣,app顯示我3月28日係排卵日,我不嬲經期都準既,果日同男朋友做左,大家都係第一次,佢成個過程係咁軟左,又換左兩次套,開頭有用安全套,中間有段時間無用,有兩分鐘無套插入,係到磨無內射,之後係外陰無用套磨,再之後就帶一個新安全套再做到尾,最後帶住個套蚊出黎射。過左4個鐘之後,因為我地驚無套果陣有精蟲入左所以去左正規診所食事後丸,食完之後幾日,成日都好攰,又反胃,可能果間我太驚,日日諗會吾會有左,日日無教好訓,每日都係到上網search果D資料,精神緊張。
過左一個星期到,4月5日去驗孕,結果係陰性,醫生話可能太早未有咁快測到,叫我再隔多個星期去驗。之後下面恥骨有好小好小痛,但過左幾日痛得更嚴重,D感覺好似內出血同撕裂咁同俾火燒咁,即時去睇醫生,點知醫生話我骨膜炎,要抖下同食藥,我諗返起我做完之後果一個星期,因為驚有左BB,所以係咁做gym,又係咁飲凍野同涼茶又食雪糕,得閒又係屋企跳幾下,希望如果真係有受精卵都吾好咁易著床,點知搞出個病黎,跟住到今日4月10日食左兩日消炎止痛藥,好返左D,都有小小俾火燒咁既感覺,吾算嚴重,都訓到教,但就問題黎啦,我下面有啡色分泌物,我以為黎m前啦,都差吾多到經期既日子,因為之前黎m都係咁,但佢量吾多,要用紙巾抹先有,用左護墊啦,但佢吾會流落去,因為之前黎m,佢一有m前分泌物之後,數小時後就大量慢慢流出經血,但今次隔左十二小時都仲係咁,好少好少,上網睇D人話係好似著床出血,即係有BB,我同佢地狀況好似:tired_face::confounded:,吾知係咪,如果食左事後丸但失敗左,好大機會係宮外孕:pensive::disappointed_relieved:我都吾知下面發炎關吾關事,吾知有無人試過咁呢?各位!sorry呀!篇文章太長啦!希望有人可以同我分析下我咩狀況呀,真係好驚呀:sob::disappointed_relieved::weary::tired_face::worried::anguished:

似乎今次你經期嘅問題有幾個可能性:

1)因為怕唔安全性行為令自己懷孕,精神緊張,作息唔定時,同過量運動令荷爾蒙失調
2)事後丸會令經期提早同推遲
3)骨膜炎開嘅藥物都有可能影響到身體狀況而推遲月經

如果你4月5日驗過孕而係陰性的話,建議你12日再驗多次,如果兩次都係陰性,有孕嘅機會係好微嘅。

不過要講講一啲謬誤:食生冷野同係咁跳/做運動係唔會影響到受精卵著床的。

咁我飲凍野同涼野都會影響經量架何?佢本身一開始啡啡地,慢慢轉左紅紅地色,吾算好多,食事後丸都會變成經量少?

1)西方醫學黎講凍野同血量似乎無關係。

2)你宜家個情況唔單純係藥物嘅問題,愈擔心同緊張反而會令經期更長。之前因為骨膜炎處方嘅藥物講先照療程服用,調整飲食同作息定時,令身體慢慢回復正常先。心情方面盡量放輕鬆吧。

3)著床血通常只會係好短時間出現嘅spotting,如果已經由啡色分泌變成紅色,咁似乎已經係出血嘅徵兆。

但到宜家慢慢多經量,似係月經,今日已經抽血去驗了,希望無事啦