年齡應該是一個考量嗎?

我今年17
男友大我一年
佢有問過我可唔可以做
我話要考慮下 佢都同意 話會尊重我嘅決定
其實我都樂意 佢都答應如果發生關係一定會有安全措施
一直以來我所受嘅教育都好保守 女孩子應該再大啲甚至婚後先應該有性行為云云
但係我又覺得我嘅伴侶係可信任嘅 而且雙方都有意 咁年齡仲應唔應該係一個考量呢?

年齡重要,但你一定要諗清楚,吾好貪一時之樂而做,做既時候一定要做足措施呀,你都應該保守估計後果,一時出錯既話,根據你家庭,經濟,心理,上面可吾可以承擔呢?我諗,會吾會拍拖耐D先做會好D?我都吾想你有後悔既一日,不過佢咁尊重你,都應該吾係只係為左性,睇定D先啦

我覺得最重要嘅係,你同佢嘅關係是否可以再進一步,同埋你是否有晒心理準備。價值觀嘅野每人嘅接受程度唔同,如果你一向覺得要年紀大啲甚至婚後先有性行為,有無同男朋友傾過呢個睇法?親密行為就有好多種,唔一定只係陰道性交嘅。如果心理未準備好,都仲可以有其他滿足到雙方親密需求嘅方法。

另外最重要嘅一樣野,決定左有性行為之外,即使將來感情上面唔會再係埋一齊,都唔會感到後悔。

1個讚

好同意@siuhokei嘅睇法

有冇同男朋友做過其他親密行為? 你嘅感受係點?

年齡可能只係一個好死板嘅指標,甚至有人覺得結左婚都唔代表一定要發生性行為tim。都見到你好肯去思考依個問題!相你會揾到你自己嘅答案 :slight_smile:

之前都有試過用手同用口幫佢 反之亦然
我自己係相當享受呢樣野嘅
的確可能我需要多一點嘅觀察
再決定應唔應該再進一步啦
我諗呢一段關係能唔能夠長遠發展
會係一個比較好嘅指標?

1個讚

我覺得呢個係比較合理的指標。:blush:

1個讚