又係世紀難題,仲未解決得到

首先可以睇返我之前個post去睇睇個來龍去脈:


又唔係話完全無變,起碼佢無再亂發脾氣,但大致情況一樣。原先有一排帶套做都唔驚,但早一兩個月佢就遲黎M,又開始驚自己有左。咁當然最尾係有M無懷孕啦。
真心我唔插入真係無所謂,我寧願就咁口交用手刺激,都唔想佢承受不必要嘅擔心。所以我就話不如唔好再陰道交,直至有其他避孕方法。再加埋佢身子又差,成日反胃又話頭暈,有啲似早期懷孕咁樣。
咁當然佢唔開心,話想陰道交啦,但佢又覺得食藥好大副作用所以唔想食。
咁我可以點做。又唔想佢承受不必要嘅心理壓力擔心懷孕,但唔陰道交佢又唔開心,但佢又唔肯用其他避孕方法

你地平時前戲個d係邊個主動?如果女朋友經常咁樣,不如暫停性接觸一段時間?

有時係佢主動,有時係我主動,好平均

我相信佢都明白自己有性需要,既然佢拒絕服用避孕藥又擔心condom會有問題,你只能夠盡你能力減少性接觸。我自己覺得最緊要係你女朋友要學會放鬆,因為除了不做愛,沒有一個避孕方法是100%安全。
除了係性行為方面,佢係咪成日都咁緊張?好小事都容易擔憂?

都係架
應該話,佢響其他人面前完全無問題,但如果對住我就會成日擔心果樣擔心呢樣

佢係一個冇咩安全感嘅人?你知唔知佢點解對著你容易擔心?

可能係因為佢平時對住其他人都一個強悍做主導嘅角色,可能平日谷埋谷埋無地方洩,所以一對住我就想將所有野依賴曬我…掛

聽你咁講,佢好似好難平衡自己的情緒表達?你地平時相處會唔會因為佢太依賴,而你覺得辛苦?

有時都會架
明明有D好簡單嘅問題佢平時可以自己解決,但一有我響度就即刻好似智商減100咁樣乜都唔識做
有時仲會明明唔關我事(真係唔關我事,諮詢過其他人都確認左唔關我事),然後就發我脾氣賴落我度

你有冇同佢講過呢個情況?佢好鍾意你,信任你會照顧佢,但係又希望所有事唔洗佢擔心,呢個位會容易將責任放係你身上。

有講過呀,但佢話佢自己都唔知點解會咁樣,佢話一響我身邊就好自然會咁

可能佢覺得以後都係會同你一齊,就好依賴你。佢係咪平時冇咩自己寄託?
(我都係以經驗幫你分析下,希望幫到你。)

都可以叫做無乜寄託,或者就算有都硬係認為自己無
例如佢會硬係覺得佢啲朋友只係hi bye fd,但其實佢地係會傾心事感情好好

我以女生角度幫你分析下。

佢之所以想有性行為,係因為佢好愛你,明白自己的性需要。但擔心有BB,係知道佢同你依家未係時候結婚或者未有條件獨立生活,再加上佢精神容易緊張,就導致你所講,佢好怕有BB然後又有時埋怨你的情況。

另外可能佢太依賴你,希望有人幫佢解決所有問題,你唔單止係佢男朋友,更加係佢最好嘅朋友。佢其他朋友都唔夠你對佢嘅重要性。

你就係佢嘅寄託,佢覺得咁樣好開心,但對兩個人關係未必好。

趁你壓力未係好大之前,叫佢做下其他事,令你地個關係平衡d。我見過好多case,都係女仔太依賴男仔,令男仔覺得好辛苦,最後想分開。

1個讚