話說我係一個經常嚟m都遲嘅人
上一次嚟係2月27至3月4號，跟住到咗今日都仲未嚟!!計埋今日足足遲咗18日。。。啫係個cycle係有成54日，對上一次咁多日嘅cycle(53日)係舊年5月
由3月4號打後至今，每次都有做足安全措施。。。2星期前又爆哂瘡，又乳頭痛，以為就嚟m，點知就等到今日(平時會多分泌，但今次又冇咁多喎;平時下面仲會覺得漲，但今次就冇乜感覺，係今日有少少)。。崩大碗，24味都飲埋(我知咁係唔好)但都係仲未嚟。。
今日買咗棒棒驗，但已經等唔到聽朝，頭先下晝4，5點已驗，結果係冇
但我都係放鬆唔到個心情。。上網睇好多，啲人都話嚟m前都懷孕前徵狀差唔多
有冇人可以再俾多啲資料參考下??
如果唔係50多日都未黎嘅話，以前嘅經期通常隨幾耐黎一次呢？近來會唔會有工作、學業或生活上嘅壓力，又或者身體唔舒服需要食藥，作息飲食是否定時？
放鬆唔到心情會係遲黎經嘅其中一個原因。如果今日驗孕結果係陰性，如果一個星期後都仲未黎的話可以再驗多一次，兩次都陰性的話懷孕機會相當低。
呢段期間暫時唔好有性行為，同埋嘗試放鬆一下自己，作息定時，均衡飲食同多做運動吧。
之前多數都30幾，40幾日一個cycle,我就係知自己事，所以都特登整咗個app記低哂，佢幫我計出平均係35日為一個cycle…
剛剛3月尾quit咗份正職，平時番工嘅壓力冇哂，但就有啲擔心日常生活洗費，因為我係裸辭
由4月1開始晚晚都成3，4點瞓，咁係生活作息有小少唔同咗，但之前要番工，其實我都係2，3點先瞓。。至於飲食，由於唔洗番工，而家都係一日食2餐，之前番工，就成日食嘢。。足足肥咗10幾磅，都因為咁奇怪點解好似自己都冇乜點瘦番落嚟
同埋3月尾，4月頭有啲傷風感冒，有食藥。。。跟住但我媽媽話我係熱氣嗰啲，所以跟住我都冇再食
所以。。。其實我懷疑8，9成都係身體唔健康
不過就係放鬆唔到咁解
咁似乎你係上次經期之後, 生活都經歷左好多大轉變。心情似乎忐忑不安比較多, 而且唔需要再返工可以更加夜瞓, 飲食習慣亦都同以前有唔同。每樣野加起上黎都會令你唔可以放鬆, 而咁樣亦都會令自己荷爾蒙失調, 所以經期咁遲都唔黎。
我諗一方面身體需要時間適應裸辭之後的生活, 另一方面就係處理好令自己心理緊張的事, 例如日常生活洗費咁。你都可以試下將心情寄係適當的興趣上面, 睇下可唔可以等自己唔好太焦慮。
當然如果去到成3個月都無黎的話, 就需要去睇醫生了解一下係唔係真係身體嘅問題了。
明白。。。
多謝你肯回覆我
我盡量再試下放鬆下。。。不過我都諗住會打去家計會book時間睇睇醫生，check下
我覺得可以暫時放低工作, 做返自己都係個令自己心情好一點的方法。Good Luck!