男朋友冇性需要

我同男朋友拍左差不多一年 頭兩三次佢會主動同我搞 但知後都係我主動 一開始都有配合下但之後成日都話攰又會推開我隻手
問佢原因佢話冇咩特別想搞 所以唔搞
就算有時著得sexy d佢都冇反應
但佢對我好好 又信佢冇第三者
但我好唔開心 因為我有需要 又完全影響自信心 因為我身材好差 又唔知係咪之前做得唔好 佢唔中意

佢平時有冇自慰習慣?

佢之前話佢有囉 仲話成日但唔知講笑定講真 同埋我知佢會睇咸野 見佢會睇大胸既 我自己就平胸 問佢佢又話唔介意 但對住女朋友一定咁講嫁啦 :(

你地平時關係點架?
會唔會係佢習慣自慰多而少性慾?

大家都比較忙所以一星期都係見一次 會去佢度訓 平日都冇咩問題 對我都好好

我又覺得你唔好自卑住,佢對你好,就唔會睇你外表判斷你。
佢份工係咪好辛苦架?或者你地平時做愛嘅時候,你地兩個享唔享受?

你嘅自信心唔需要建立起性事上面嘅,亦唔需要同所謂身材好嘅人去比較。

有無試過問下男朋友鍾意點樣嘅性愛?會唔會明示暗示你嘅需要俾佢知道?

佢話番工會攰 但都唔算係勞動既工作
我享受既 我諗佢都係 但冇明確表示過 我有時會問下佢舒唔舒服 佢就會答下我

但覺得好難唔自我比較 睇到身材好既女仔自已都會望多兩眼。
我地都一開始都會討論自己中意既野/姿勢,之前少左做都唔會特別講。
其實我都已經經常明示或暗示,但都已經三個月冇做過

身材好唔代表有同樣的性福呢, 所以又唔需要諗到無身材好似爭少少。
如果唔做愛, 你地會唔會有D親密少少嘅行為, 例如互相愛撚, 又或者幫對方自慰咁
定係佢連呢D行動都無呢?

我有時都會幫佢但都好少 可能一個月或兩個月一次

似乎調返轉由佢幫返你就更加少吧?

或者你男朋友真係性需要比較低嘅人, 咁佢有幾低當然你會清楚一點, 例如佢自慰有幾頻密咁。除左返工之外, 可以關心一下佢係唔係有其他方面令佢應到壓力或者唔舒服。男生比較傾向不透露自己嘅問題, 所以需要一定時間先能夠了解清楚。

如果佢真係性需要比較低, 就要睇下雙方會唔會搵到個平衡點去滿足到大家的性需要。例如係佢唔需要但都可以幫你, 又或者可以約定好做一次轟轟烈烈的。對於你黎講個需要可能仲有一定落差, 但應該會比起宜家好一點。

當佢滿足唔到你時, 你都可以通過自慰去令自己舒服一點。

1個讚

好 多謝你既意見