大家好，又係我呀。
呢排同男友親密個時(冇性交，只係幫男友打飛機)，佢射左精(以前冇發生過，因為以前冇打咁耐)。呢2次射精個時佢話射個時會痛，但唔係應該好high好舒服嘅咩？佢身體係咪有咩問題呢？
仲有呢，第二次佢射個時透到條褲，我手掌沾到佢啲精液，而我手掌係冇傷口嘅。佢冇性病嘅，但如果有嘅話，會唔會我手掂到就會傳染比我呢?同埋，性病係咪一定會令到性器官有問題，例如潰爛等?係咪唔會有性病係會唔影響到性器官呢？
多謝大家嘅回答，成日有好多關係性的問題，好開心可以係到問同得到可靠資訊
-
首先你講話幫佢打左好耐，男朋友話痛係因為摩擦得太耐痛，定係有其他痛楚呢？一般人不論男女，連續有第二次高潮的話，時間會比第一次長，敏感度都會比第一次低。所以唔係好似你所講次次都會好舒服。
-
性病主要係由直接性接觸所感染，講緊嘅係黏膜同黏膜之間嘅接觸。皮膚能夠阻擋好多病原體，所以手掂到伴侶嘅精液，得到性病嘅機會係好微。性病唔一定只係性器官嘅問題，例如衣原體會可能引發眼睛問題，女性會可能有盤腔炎等等，亦唔一定會做成性器官潰爛嘅情況。
唔係呀，我指個2次唔係連續，係兩次係唔同日子發生的。我問佢佢話龜頭痛喎，係射個下痛。問過佢，因為第一次我幫佢個時射痛左，所以都會凝左第二次射個時都會痛，點知真係痛，唔知有冇關係呢？我上網睇話咁樣有機會係尿道炎，etc…但佢講除左呢2次我搞到佢射左之外，佢屙尿，夢遺個時唔會痛
不過因為環境問題，佢好少會自己自慰到射精，呢兩次我幫佢搞到射左佢話high左好耐，又覺得屙尿屙多左，其實有冇關係?有時我覺得係佢心理問題
誤會了唔好意思。
照你咁講佢應該有自慰習慣吧，雖然環境唔容許佢咁做，但佢有無試過自慰直到射精？如果佢自己黎而射精的話，又會唔會覺得龜頭痛呢？
除左尿頻之外有無其他不適？尿頻個情況由你幫佢打JJ後持續左幾耐？