想戒打飛機

想問下
我由小學4年級開始打飛機
而家一日1-2次，想戒，請問有乜方法

每個人都會有性慾，自慰並不需要戒或者完全杜絕喔，只要不影響日常生活就可以。你平時有冇做運動？或者有咩時候你特別想自慰？

Hello @Billywu 你好啊！

其實我會比較好奇，你點解會想戒打飛機？

一般只要好似 @Julia_StickyRiceLove 甘講，唔影響正常生活，就唔需要特別去戒除。
如果你覺得你性部份，佔整體生活過多，你可以嘗試設立一啲唔同嘅目標，或者參加唔同活動，
令到自己專注於其他方面發展，甘對自己嘅全人發展、同埋生活息調都有好大幫助。

以下係其他人問過嘅問題，我節錄左一部份比你，希望可以幫到你啦：

呢個「究竟應唔應該戒?」嘅問題，我相信都纏繞過唔少男仔。其實應唔應該戒，一般並唔構成一個問題。
點先要戒？一日打幾多先叫多？會唔會打得多就性無能？沒完沒了嘅問題，我諗只會令你更加煩 X)

一般「唔影響正常生活」而言，就已經係一個可供參考嘅界線。
你會唔會無時無刻都想打？會唔會連朋友約左你出街，你都寧願推左去，留喺屋企打飛機？
我諗應該未去到甘嚴重嘅～ XDD

好似 @Julia_StickyRiceLove 甘講，每個人都會有性慾，無需要刻意阻止～
你亦可以幫自己定一個目標都唔差，可以set吓去完打波先打，又或者做完功課先打，甚或乎睇完場電影，返到屋企先打都得！因為。。。我諗你越唔打，越可能會諗住幾時先打得啊、我游完水打唔打得啊？

其實打飛機真係好正常，唔需要特別去改；
除非影響到你正常生活，否則保持住一個正常嘅性生活都係好事黎架！

(摘錄 - /t/topic/570/15?u=lifehome)

–Ivan