月經失調已經一段日子，會有谷m既感覺，但就要靠食藥先可以黎m。
有冇sis可以推薦婦科？我仲係學生，希望收費適中，可以既話，希望可以講講大概收費，謝謝大家。
想知道你之前係睇婦科定係普通家庭醫生?
在私家診所睇，食左藥就黎m，但下一個月都唔會自然排經，所以想check下。謝謝:)
呢個情況持續左幾耐？
如果你唔放心想去婦科檢查，建議你去返家庭醫生個度，由佢轉介去婦科。有呢啲問題不妨同媽媽商量，財政上有屋企人幫忙會好一點。
如果由私家醫生轉介去公立醫院婦科，大概要等3個月。你仲係學生，可以考慮去衛生署的婦女健康中心和家計會睇下先，佢地有針對婦科的檢查，佢地都可以開醫生信畀你去公立醫院婦科。
我都有食過私家診所的來M藥，效果只能維持一次月經，治標不治本，最好都係去照下子宮超聲波。
另外，如果你有心調理，可以去睇下中醫。平時M唔準時，你生活習慣係點架？
2個讚