想問period shaming係指女性會為漏M而感到羞恥? 但點解唔可以理解為整污糟地方而感到尷尬? 小朋友賴尿都會覺得羞恥,呢個唔係正常感覺咩?
利申:咩都唔識
Period shaming並唔係只係整污糟咁簡單，近來呢一篇係值得睇睇。
http://www.newsweek.com/2016/04/29/womens-periods-menstruation-tampons-pads-449833.html
小朋友瀨尿係因為未學會控制自己大小便，感到羞恥係因為便溺係一個排泄行為，有關衛生和隱私。
而period shaming，更多地是關於社會對月經的誤解和污名化。月經是女性獨有的生理現象，並不等於排泄，經血中是子宮內膜脫落而成，代表女性擁有生育能力。
如果女性漏M被歧視，其實當中牽涉好多社會如何看待女性身體、女性自主、身體自信等問題。
我們從小到大都被灌輸M是骯髒、可恥，沒有接受自己自然身體現象，間接地自己無法正視自己需要，或者根本唔認識點樣處理月經。
好多人將月經等同排泄，會好自動咁覺得月經好骯髒好應該收埋唔畀人知道，我自己就唔認同呢個諗法。我地根本控制唔到經血流量，唔似排泄可以忍。既然係一個自然生理現象，同流鼻水有咩分別呢，唔小心漏出來咪整理一下囉，覺得尷尬好正常，但覺得羞恥又冇必要，我地又冇做錯事。
2個讚