話說小弟27歲，約半年前識左以家既女朋友
慢慢都開始會做愛，但常常發現有心無力
即係舉而不堅 而且不久，自己都感覺到進入左之後都唔夠硬。
係26歲既時候一晚4次硬而耐，以家一次都覺得困難
好想知有咩改善方法，我無不良嗜好
平時有冇做運動？自慰的頻率係幾多？
個情況維持左幾耐呀？
會唔會覺得好大心理壓力？
個情況都維持左幾個月，唔係每次做愛都順利
就算順利又好快軟咁😑
大約2-3日一次自慰，同埋一直都有運動開
一星期會有一晚3個鐘既運動，而且keep住左十幾年
近來工作同生活壓力會唔會好大？身體有無唔舒服過？
如果要你比較，宜家嘅性生活會唔會同以前好唔同？
工作上無乜壓力，生活上可能係最大改變
以前同家人住，以家自己住應付日常開支吃力左
但我諗唔成問題掛
如果要比較性生活，以前大約一星期一次或以上
以家會比較疏遠，兩至三星期一次
以家女朋友做愛時會覺得無感覺，而我都係:expressionless:
要自己生活而擔心日常開支，的確會無形中增加對自己嘅壓力，所以唔能夠講無生活壓力呢。
點解同女朋友親密會覺得無感覺？女朋友會唔會係需求較少個一種？
佢好多地方都敏感，但一做時就滿足唔到佢
佢話只有痛，有時唔痛，亦因為咁未試過得到滿足
係有時用手摸岩位令佢有高潮，偶然一次
其餘時間都好失敗，幾心灰意冷
女朋友嘅性經驗是否比較少? 有無試過唔同體位, 甚至係先令佢有高潮先再放入咁樣?
力不從心個感覺似乎同女朋友覺得唔舒服, 都有一定嘅關係。
有試過唔同體位，問佢感覺如何時
佢會話有感覺囉，我迎住自己唔夠硬所以佢無感覺
我想強化下自已，有無介紹？唔太想用藥物
我覺得你並唔係夠唔夠強嘅問題，而係心理上未適應。好多男生嘅問題，其實係心魔而唔係自己嘅性能力。
你之前嘅伴侶同現在嘅，做愛時嘅反應好唔同。你以前習慣頻密同強烈嘅刺激，但宜家嘅伴侶怕痛同難有高潮。咁樣令你會有認知上嘅落差，可能當你做好多前戲令女友投入，佢嘅反應就會令你感到壓力，咁就會唔夠硬而未能盡興。
我應該點做好？我曾經好傻有個諗法
我滿足唔到佢而且又整痛佢，倒不如自己黎
唔想令佢失望/整痛佢😔
首先滿唔滿足都係要由你伴侶講出黎會好啲，所以我建議你搵機會平時同佢傾下，例如點樣叫有感覺，同埋佢會覺得點樣做佢會最享受或者鍾意。佢嘅不適感點都要唔少時間trial and error咁樣去先會有改善嘅，唔好咁輕言放棄。
同埋你都可以同女朋友分享下令你投入同興奮嘅方法，始終性愛都要大家互動嘅。
我會努力再嘗試，好多謝你熱心既開解