如何與女友迎接第一次做愛的來臨

我同女朋友拍左拖就一年,我地都已經22歲,都係處,有共識可以隨時做第一次。

我想問有咩需要注意,因為我而家心情都有d複離,因為我覺得做左之後我應該要對佢有更大的責任,或者做左之後係人生嘅一個重要經歷或轉變,同時我都會好有期待呢次嘅來臨,我應該點樣去調整自己自己嘅心態,令女朋友都可以好痛快同對我有信心,唔會令佢有壓力 (因為佢係d我同佢講性講得太多會冇左惑覺嘅人),所以我決定喺呢到請教下,等我調較番個心理,然後做我地嘅第一次。

同埋我好想我女朋友都可以enjoy,因為之前試過幾次口交都好快射,最長一分鐘;但當然佢就咁幫我打嘅時候我就係正常時間射(可能因為以往自己打飛機,已經好慣好有經驗)。我怕我因為未適應到呢種剌激而好快射,好似口交咁,令佢享受唔到個過程。我係咪應該再練下口交個陣的持久度(多幾次經驗),先性交,會持久d?

仲有兩個小問題,我諗如果有第一次,都係喺我屋企,所以我想問下d處女血係咪真係會整到張床污穢晒,有冇咩建議可以避免到,免得屋企人知;第二係我地都係想將bb嘅風險減到最低(因為第一次都係比較戰戰兢兢),聽人講係咪月經前一兩日後一兩日會係安全期,做會相對上比較安全?再加埋帶套兼外射,係咪已經好有保障?

見你都考慮好多野,睇得出你好錫你伴侶:+1:等我逐項去分享下自己嘅意見啦!

避孕方面:
安全期嘅計算好倚賴月經準唔準,而女性月經又好受好多因素影響,所以參考下好,一定要配合其他避孕方法,例如你所講嘅使用condom。Condom用得正確,品質又正常嘅話,避孕成功率都好高,唯一要注意係雙方性器官接觸前就好戴定啦!

清潔方問:
每個女性嘅處女膜都唔係一樣,有啲係撕裂時會多啲血,有啲少啲,可以舖條大毛巾係床上先,咁就唔會整污糟床單。

前戲方面:
第一次做愛,雙方難免緊張,而女性亦普遍要多啲時間進入狀態,所以前戲可以長少少,親吻、愛撫、刺激對方乳頭同陰蒂或其他對方覺得敏感嘅位置,不過陰蒂係生理上係最敏感嘅地方,仲多啲讚下佢,當對方表示ok,仲有陰道口足夠濕潤,就可以去下一步。

做愛過程:
始終都係第一次,插入嘅過程儘量慢啲,等對方慢慢適應,仲有多啲留意對方有冇痛或者唔舒服,可以等女方去做一個指引,至於咩體位雙方會最享受,就要多幾次探索先知啦。係陰道性交嘅過程可以同時繼續刺激對方陰蒂,等對方快感可以持續。至於何謂持久,口交或者自慰嘅時間都未必作準,所以我建議抽插嘅過程慢啲,唔好好似AV下下呯呯聲咁激烈。

射精之後:
射精之後,當然要妥善包好裝有精液嘅Condom然之後扔去合適嘅地方,再之後再攬下對方,講一啲情話,討論下剛才有咩可以改善,千祈唔好即刻訓覺唔理人啊。

以上都係一啲建議,前戲同做愛時確實有啲咩「招式」,就靠你地將來摸索啦

3個讚

仲有第一次未必好多嘢好完美同美滿,要有心理準備可能會有啲蝦look嘢,美好嘅性愛要有好多溝通,所以唔好怕同大家分享下感受同埋第一次唔完美唔好有hard feeling