陰莖大小有無得鍛鍊？
因為同女朋友係性愛過程中佢可能得不到感覺
之後佢講可能陰莖唔夠長/大令佢無感覺
雖然好無知既問題，但求解
過了發育年齡，陰莖就會在尺寸上停止發育。你女朋友鍾意d咩性刺激？可以係個方面做多d互動，因為未必每位女士都會在陰道抽插中獲得高潮。
尚年青十多歲時都頗大及長，成年後反而縮左水
同十多歲時比較, 身形有無發生過變化? 如果有所發福的話, 有可能會令陰莖根部積聚左脂肪層, 咁樣望起上黎就好似短左。
無發福，正正常常咁
如果以家割包皮又有無幫助？
例如持久力方面
咁有可能只係女朋友講之後的心理作用吧。
如果你本身無包莖嘅問題, 性交時又唔會覺得唔舒服, 無必要去割包皮呢。
唔係好無知
係有唔少人都會遇到嘅情況
但同依個女伴係啱啱開始行埋？
日子半年左右啦，其實我之前都係到問過好多問題
例如自己持久力唔耐，入左去又唔夠硬
女朋友覺得摸佢比進入更有感覺，又會話我可能唔夠長
去唔到某一個點咁，好頹😔
一般黎講女生嘅興奮點係陰蒂同周圍, 而陰道入面嘅觸感係唔會太強的, 所以佢會覺得摸比起進入有感覺, 可能就係咁樣。
半年時間都唔算長, 我覺得都仲係trial and error嘅時間黎, 又唔需要太過push自己一定要有表現。唔需要太在意女朋友話你唔夠長, 長亦唔代表性能力同技巧會好好。
不如慢慢發掘下點樣令女朋友投入同舒服, 大家可以試下唔同體位, 唔同嘅挑逗同刺激嘅方式, 咁樣總比不斷地認為自己短黎得有幫助。