後生仔鐘意咗個師奶

哈佬大家好呀,我係一個男仔,今年20幾歲,我好怕羞所以一直都識唔到女朋友。我有戀母情結,由小到大都鐘意成熟的女人,例如別人的媽媽,小學就鐘意女老師。直至到有一次,我同一個識咗一段時間嘅女人去戶外玩,大家從此一齊左,佢嘅年紀係我嘅double,啱晒我。初初開始個時候,我哋都好投入,大家都會互相kiss而且每次都係濕吻。一個月後我們就發生關係,我地都好享受。

出街拍拖嘅時候,我問佢介唔介意別人嘅目光,佢話唔介意。大家都好重視彼此之間嘅愛情,我生日佢會送好名貴嘅生日禮物俾我,我覺得佢係好重視我的。

大概三個月,佢開始冇咁投入,對我越嚟越冷淡,慢慢由濕吻變成乾吻,甚至公共場合唔Kiss得,因為怕傷害身邊單身的人,最後連拖手都唔得,好似唔想俾人知道我哋兩個嘅關係。佢話驚俾熟人見到唔知人哋點諗,又話香港社會對姊弟戀唔係咁開放嘅態度。

有事我提出想要愛愛嘅時候,她總是講好多藉口出嚟,例如佢話近來失眠,又話更年期,要唔要愛愛都得,可有可無。所以我地一齊訓果陣我要自己解決,想要的時候也要自己黎,佢唔想幫我。我想同佢濕吻,佢話有苦衷,例如佢話佢未刷牙。我覺得佢只係想應酬我,勉強配合。當大家坐低傾嗰陣,佢都會愈傾愈嬲,話我根本唔明佢(我只是表達我的心聲,難道連最真誠的溝通也不要?),仲話不如大家分開吓,可能會好啲。有事我覺得我自己好似同一個公仔做緊戲咁,對方好似都冇乜反應,同一開始有180度轉變,只係一個配合嘅模式,係唔係因為我要求太高呢?定係我真係睇到個事實:佢其實唔係咁愛我呢?我對佢嘅態度未曾變改,都係由始至終咁愛佢,但佢偏偏成日留意我的錯,講到我喺佢眼中唔係咁重要嘅一個人咁樣,難道現在的愛情只有我一個人去享受?我有諗過不如放棄佢搵個第二個女人,但我真係仲好想要這段愛情!大家而家差唔多一年就好似老夫老妻咁冷漠,一d都無拍拖的感覺,唉!

首先,我覺得你地嘅蜜運期已經過去咗。年長一點嘅人因為人生閱歷比較多,令自己比較理智行事。所以當你伴侶由感性轉移到理智嘅時候,會帶俾你認知上嘅落差。可能佢最初都相信你地之間可以有愛情,但心底裡面仍然唔能夠面對世俗眼光,所以想挑你錯處,對你好冷淡,唔俾你同佢有親密行為,等你無癮而離開佢。

佢對你宜家態度冷漠,但係咪仲傾到計呢?如果大家仲有溝通的話,都仲可能慢慢地令佢安心於你地嘅關係上面,唔理會世俗嘅眼光。不過我覺得佢未必咁容易去變換自己嘅想法,好睇你令佢有幾多嘅安全感。

另一方面你都要學習點樣放手。勉強無幸福,當佢真係衝破唔到個心理關口嘅時候,你嘅愛反而會令你受更多傷害。將你對佢嘅愛轉變成祝福,放開佢等佢唔會再擔驚受怕,對於你地可能係一個好嘅決定。

2個讚

從你口中,她好像想和你分開

單方面愛對方,一定不能長久。

如果你要的,她不能給你,你不能忍受,你到底是愛她還是愛性交?

可能我是一個好決絕的人,放棄吧。

謝謝siuhokei及leumas的用心回答。很高興您們不厭其煩認真地看完我的長篇大論文,經過您們的提問我更加發掘到自己,從反思問題令我更了解和認識自己。

我覺得佢沒有想過唔要我或迫我走,只是講過想比機會我去搵第二個更好的女朋友,佢話我這個年紀要好好找個合適自己的伴侶,萬一失敗仲有時間可以從頭來過。我同佢講我現在最千真萬確的戀情只有我們,不用掛心我的前途。我心想其實她這個年紀仲有一個咁痴心的男子極度愛佢,我估佢都覺得有好過無。因為之前同佢出街拍拖佢都覺得自己比同齡的師奶幸福,覺得好多人都羨慕佢。

其實佢講過,佢離開男友的方式是淡出,即是無聲無色地漸漸離開。當我們去到這個冷淡期時我問她「為什麼近來這樣?」「係咪唔開心?」,佢就和我提出「覺得我們沒有拍拖的感覺,而家唔係時候,不如大家分開吓啦,過一個月大家再傾啦」。這些無情的分手說話,連我錯甚麼,也沒有對我半點說明或聽我解釋。我就抱著可惜又期待的心情渡過了這一個月,這一個月大家天天都有見面但完全沒有身體接觸。一個月後的第一天,我搵番佢傾計,直接Kiss同擁抱佢,佢真係投入咗好多,對我感情會回應多一些。可惜再過多一排佢又漸漸由熱情變得冷淡了。

其實所謂的冷淡可能是相對的,比起其他情侶、夫妻我們的所謂的「冷淡」都算好恩愛。因為我主動拖佢、輕撫佢身體、攬佢和錫佢都會微笑,很少會拒絕。但唔知是否佢唔想傷我心而接受,其實佢可能已經幾乎無感情的投入,唔係點解佢唔會主動去親親我呢?我都同她申訴過我需要多d愛,但我唔係真係好覺得「她仍愛我」。完全無咗以前佢會主動搞我、好想同我做、見到我會分心不能集中做事及見唔到我會掛住我果種激情。而我付出愛佢會拒絕的情況就如晚上臨訓前我主動要求同佢Kiss,佢話「唔Kiss啦」我追問點解,我又話「親愛的,Kiss一淡啦,愛您嘛」,只聽見佢冷冷的回應話「聽日先」「而家過咗十點半要訓啦」,我當時真的十分憤怒,原來相愛並非講求付出愛有幾多?我真的十分氣憤,佢知我嬲就話我小氣,話唔准我嬲,仲嬲番我。我話當初我們可以玩通宵,邊有咁多原則,佢就話以前體力好好多唔同而家,以前一日搞我十次都得。我真係好無助又無奈,條氣真係唔順,覺得如果你仲係愛我就唔會咁樣講這些說話傷我心,最後我要做劇烈運動、沖凍水涼、睇A片自慰才能解決。

發展到現在呢,晚上返屋企及早上出門前都會見面,即係日日見,見到面都會攬、錫、摸佢滑滑的皮膚甚至雙手按摩她的奶奶,不過係我主動,佢都無抗拒。我們都有傾有講,主要是她講,我回應,因為我怕她不耐煩及我講錯野。我勾引佢或講情色說話撩佢都會笑
但有點像對着公仔。因為她雖然任我搞,但他極少會搞番我。至於我重情還是重性呢,我覺得情是較重要的,性是輔助。如果有性無愛,大家只可說是「炮友」,而我只想要一個真的全心全意愛我的「女友」,所以性交雖然吸引但是沒有了基本的愛真是自慰仲開心。

講多d,當初係佢想和我發展較多,亦比我更想有性行為。我當時因為係初戀加上係處男,所以又期待又怕受傷害,想保留貞潔之身之餘又想保持大家關係更長久。很怕因為發展太快而令大家彼此冷淡,正如One Night Stand的感情因為發展過快而令大家快d散。我們商討後得出了「一年後如果大家仲好愛對方才發生關係」,大家都為着長遠良好關係的目標都同意了這個共識,既然大家都咁愛對方就唔怕等一年及起碼有一年的關係。
有一次大家共處一室時愛撫,在過程中她想和我做,我冷靜地說出我們定下一年的目標而拒絕了。她就要求只是「插幾吓」,我當時很害怕,不想咁快就開始,所以再三說出大家傾好的一年後才做的原則,結果她很無隱,十分不開心。我心軟地氹番佢,應承過幾日有機會再同佢做,佢話唔會趙完鬆結果我就是這樣失去了童子身。

又講番而家,愛情起伏地差不多一年。雖然我抱著「我不求她人的愛,只求愛他人」的心態來安慰自己,但我有時真的好想對佢冷淡來測試一下佢對我有幾愛。我發覺這樣做我們只會一直冷淡下去,她甚少會主動過來抱我,甚至動作也顯得很馬夫。發覺唔理佢這個做法好似唔係幾好,像是報復心態。而當我每次見到佢我都會忍不住要吻吻她,唔知係唔係因為佢愈冷淡我就愈激情想維持這份愛情。我愛她就是去到這個不離不棄的地步,而當初那份對她無止境愛的激情還方興未艾。

我覺得佢其實對你已經好坦白, 例如佢會講「無拍拖嘅感覺」, 同埋會以淡出呢種形式去同前男友分手。一段感情唔一定係因為有錯而分開, 亦可以係因為無左感覺而分開。所以你唔需要去計算究竟自己有無做錯, 亦唔需要去計算自己有幾愛佢, 黎滿足自己「對佢愛得幾深」嘅想像。

以前佢會幾主動甚至令你奉獻左你第一次俾佢都好, 都因為佢個時仍然有愛嘅感覺, 同埋有性需要想男朋友滿足自己都係正常嘅舉動, 正如你都想佢滿足你性需要一樣。

你以為自己付出更多, 採取更多的主動就係愛佢嘅表現, 但你都有種「對牛彈琴」嘅感覺吧。我反而擔心你愈去付出, 對你嘅傷害會更大。字裡行間的你亦處處流露出, 表面係唔介意, 但心裡面充滿計算的心態。跳出黎想一想, 咁樣嘅感情係非常之唔健康。

如果真係要計較嘅, 就係佢所講其實好啱: 你可以認識更好的女朋友。老實講, 佢係可以維持住呢種「水泡」甚至係似性伴侶嘅關係, 因為she has nothing to lose, 仲可以定時有人關心佢同滿足性需要。但佢就俾唔到你愛嘅感覺, 而你嘅付出係唔會得到佢嘅重視。要滿足後者, 就只可能係另一個人身上經營至得。

1個讚

siuhokei,你真好人,肯樂意為我解困,很喜歡您的想法,給我很多反思,我發覺自己其實很執着,看完你的想法之後,我仍然想繼續執着下去,沒有辦法脫離我的初戀。

本來我冇寫咁多文字,但係愈講越勾起以往回憶,所以寫完篇文之後,睇返先發覺原來咁多文字,已經盡量簡化,希望您不會介意。

講到我戀愛是零經驗,我應該去聽有經驗嘅朋友的說法,但我相信好多人都應該唔睇好我哋依段戀情,所以我們的戀情幾乎沒人知道,就連家人都唔知道我有女朋友。我有無限的愛想付出,可能係處於發情期,痴心一片。當然,我梗係唔想女友當我係水泡啦,但係我為人好念舊,就正如我會好愛惜物品,用耐咗係會有感情,就算嗰件物品很殘舊或失去功能,我都係想留住唔捨得掉咗佢。我嘅心態套用返落人果度,既然大家都開始左,就無謂去搵第二個。我曾經好灰心嘅情況下,我都會諗過不如搵第二個女友,因為我鍾意熱戀的感覺,但係我覺得咁樣做好對唔住自己同埋我女朋友,因為我仲未完全放低佢。我相信人係應該向前望嘅,但係我偏偏喜歡佢。而家同居嘅狀態大家都算幾穩定啊,每日我在外面都好掛住佢,想盡早返佢屋企同佢見面與佢親近,所以無咗佢真係唔知點算,想搵人傾心事或想攬吓人都唔知點算。

我依家正在學習怎樣去改變自己嘅心態,正所謂心境可以改變環境。可能自己心頭太高,成日想人哋愛,亦都可能有錯誤觀念覺得愛係有回報嘅。我希望我能做到無私的愛,不求回報,我就向着這個方向去發展。但我仍會抱着一絲希望,希望終有一日會感動到佢而感激我。佢嘅年紀都唔細,體力一直會下降,我呢個時候就可以發揮我強壯嘅體魄去服侍佢,等佢覺得我嘅存在係重要嘅。呢個諗法只係目標同埋願望,但實際如果佢真係唔領情嘅,我都無悔,因為我覺得依段戀情好偉大,就像耶穌愛世人也是先付出及無止境的。何況我鍾意嘅女仔類型係非一般,比我年紀大好多嘅師奶/媽咪。唔知係咪咁樣嘅關係我覺得會更難認識到咁嘅類型嘅女仔,所以我唔會咁輕易放棄。相差咁多年嘅姊弟戀我都唔夠膽同身邊嘅人講,只係同左一個好熟又信得過嘅朋友講,佢都覺得依段戀情都好難挽救,但係咁樣正正激發起我對佢嘅愛的反思(想努力做一個更加體貼的男友),更加全心全意去呵護佢。

一直都很崇拜佢事業咁成功、學歷高、見識廣及思路清晰等。外貌方面佢這個年紀比起同齡女性算是極品,素顏出街絕對無失禮,感覺仲很年輕,回想起我們昔日熱戀時拍拖在街上拖住佢我都感到自豪。仲會當佢係女神一樣,唔知咁樣會唔會算係心理唔平衡呢?

如果有兩個選擇,分手或者努力繼續相愛落去,我會繼續珍惜眼前人,努力去經營呢段愛情。真愛難求,而家我仲好需要愛人,冇咗愛人我唔知我嘅生活會變成點,我冇信心可以搵另外一個師奶會好得過佢。

我有一點想講
其實都係想你諗多一樣野。

你唔好以為你咁樣做佢會無壓力

你一定要好好同佢傾下

最重要是,你一定要 make sure 你開心,佢開心
唔好你以為咁做佢會開心
佢好可能同你唔用諗法架

好好去和她相處
千其唔好自己諗,一定要一齊諗

加油啦,執着的520

我曾經有諗過同佢結婚,我同佢傾過依個話題,但係佢就想我搵另一個後生d的女性,但可惜我只喜歡師奶般年紀的女人。佢話佢將會更年期,可能會冇晒需要,對我變得冷淡及心理會變得唔再鍾意我。我話唔介意,佢話一定唔會結婚,又提到我都有生理需要,到時只得自己才能幫自己
解決,心理會很不平衡。佢話到時候會變阿婆,我回應她:你仍然會咁可愛的,就算妳變成點,我仍然會愛妳。唔知佢講這番話的目的係唔係想嚇我走我呢?

有時候見佢唔理我,我刻意走埋去親近佢,佢都會好平常的接受,沒有特別開心。我覺得佢個感覺就好似煮到埋嚟就食咁樣,顯得我很自作多情。但係佢冇推開我拒絕,佢會接受我的擁吻,我相信佢應該唔會完全唔愛我,至少對我還有一絲愛意。

佢話佢諗野諗得好簡單,但係我唔係好感受唔到佢有細路仔嗰份純真(即係一方願意去愛,另一方都會踏出一步去以愛回應)。我就「極度需要去愛一個人」(好似有d人就會選擇去欖女性圖案的攬枕,都係單方面的愛),我的情況就好像單純的細路仔會主動搵媽咪一樣,而媽咪嘅回應就好似唔想細路仔成日搵佢煩住佢。

想問,人到更年期真係會對另一個熱戀過的愛人或正在愛的人變得冷淡甚至唔鍾意嗎?如果這個情況是真的,我會繼續麻木地去愛佢, 因為我知道她無得揀,是受着生理上的變化而改變,實際上不是被她嫌棄;如果佢只係用依啲藉口來欺騙我,即係顯得佢已經唔再鍾意我,咁我會以另一種態度去繼續愛佢,因為我的初戀就給了她,應該要好好地繼續珍惜,不強求回報。就像是幫助陌生人,也不會去想得到別人的感謝和回報,只是我想對別人的單方面付出。