女朋友未嚟月經

佢月經一直唔正常,曾經試過一個月冇嚟同遲成一个星期先嚟,對上一次係5月4號到以加都未嚟,一直有性行為但都有用安全套都檢查過冇穿,用完之後,但試過冇用套入左4-5下,以加好驚,唔知會唔會有左?定本身遲開係正常?

你好呀,女性月經周期因人而異,普遍最長都係 35 日左右。另外,好多因素會影響來經時間,例如憂慮情緒係會令月經延遲。

不過,如果喺安全性行為射精後,再唔用安全套進行性行為,其實係有懷孕風險。雖然精子接觸空氣之後好快會死亡,但係射精後再進行性行為時,其實仲有殘餘嘅精子同前列腺液由陰莖流入女方陰道,有機會令女方成孕。

因為據你所講一直都有性行為,我建議你依家可以做嘅包括購買驗孕棒檢查女友係唔係懷孕,同埋去家計會門診睇下佢地可唔可以處方得到緊急避孕藥 (只可以係危險性行為後 72 小時內服用有效)。

2個讚

明白,唔該曬

唔該甘未射之前分泌嘅前列腺液有冇精子嫁?

前列腺液本身已經有足夠精子導致懷孕嘅,盡快叫女朋友驗孕先吧。

1個讚

唔該你地

另外想問懷孕係咪一定有著床血嫁?
受精幾耐會有?
感謝!!

1)大約1/3嘅人會發現有著床血
2)授精後6-12日

1個讚

各位師兄師姐,我星期一吅琴日都買左曼秀雷x個隻幫女朋友驗,兩次都係得一條線,以說明書計就姐係冇愶懷孕,但佢今日嚟左,量比之前小,甘請問我們還需擔心有懷孕的風險嗎?感謝

驗孕棒靈敏度已經非常高, 如果你驗過兩次都係陰性, 加上已經黎左經, 咁樣應該無問題了。
普遍黎講月經第一日量應該唔會太多, 但之前憂慮心情影響到荷爾蒙有點失調, 都會影響到經血量。

2個讚