小妹上年開始鐘意一個人
個個人一開始知我鐘意佢之後
就憎左我 又話我樣衰
咁當然其實主要原因係因為我既ex係佢面前講壞話
我後尾同佢和好左
但開始更加注意自己外貌
我皮膚好白 好多人都讚我既膚色
但係我比較肥（159cm 50.6kg)
而且我大細眼
平時戴眼鏡見唔到 但一除就好明顯
再加埋臉面又包 又超多暗瘡。。。
對比起其他女仔真係好自卑
雖然有好多人話好多人樣衰過我
我唔洗介意 我個樣ok
但我自己成日見到塊境就想一拳打落去
點算。。。
其實一個人靚定唔靚, 好多時都係其他人嘅感覺去塑造出黎。每個入嘅審美眼光亦都唔同, 我覺得你唔需要太過著緊於人地點睇。
發育時期因為荷爾蒙影響, 暗瘡係會比較常出現。如果暗瘡問題為你帶來困擾, 不如去睇醫生睇下可否用藥黎控制, 更甚者可以轉介你去睇皮膚科醫生。我以前都係過來人, 經醫生開藥食同搽之後慢慢就會有改善, 但唔係一下子就可以消失晒。
同埋係發育時期就唔太建議去減肥去令自己更靚, 均衡飲食同多做運動, 保持健康係最緊要。
Thanks:)
1個讚
有冇因為暗瘡而睇過醫生或者做過啲咩？我中學個時都生好多 
我通常成日洗面 有時敷mask
洗臉唔好洗太密啊，你用咩牌子護膚品啊？
我中學個陣都好多暗瘡，有分別睇過西醫同中醫去處理，如果你呢個問題好嚴重就去睇下中/西醫，不過最緊要係你自己一d生活習慣
例如少食刺激性食物(煎炸野，辣野) ，飲足夠既水。同埋洗面建議最多都係早晚洗/淨係訓前洗，要揀岩既潔面乳啊，唔好成日用磨砂/去角質，用得多會有反效果。同埋敷mask 最好敷保濕，可以敷其他效用既mask(如美白，骨膠原等等) 但一星期內唔好敷太多次(我自己最多敷3次)(保濕則可敷多d)
以上係我既習慣同埋美容既朋友講既，希望有幫助啦
不過我都建議唔好專登減肥，發育時期你保持良好既飲食習慣同埋適當運動就okay 架喇，千其唔好學我以前d同學咁又話節食又試減肥藥，搞到身體出問題
1個讚
如果只能因為你嘅外表先識鍾意你嘅男仔，唔好要。而你都應該諗吓，你鍾意人哋啲乜。外表只係一個人嘅一部份。性格如何？人品如何？有冇共同興趣？其他嘢都好重要。
唔好自卑，要自愛。你係咪仲青春期？係嘅話，暗瘡會慢慢就冇。去游水，跑步，做運動。可以減肥 (其實你都唔肥)，又能調節荷爾蒙。改變自己去令自己開心，唔係為其他人開心。