我一直都有遲黎m嘅問題，間唔中先冇事
上個月5號黎咗m到依家都冇反應，已經遲咗10日……
黎m後感染扁桃腺炎，食咗8日西藥，其中有5日有食抗生素，關唔關事呢？
28號同男友冇套咁做過，但肯定冇內射……
我依家覺得個肚谷住+胸脹痛（中醫話我乳腺增生谷m會有機會痛）但同有咗又好似……
到底應該點……係咪真係有咗？
第一件事可以做, 亦最快能夠知道係唔係有左呢, 就係去買驗孕棒去測試。如果結果係陰性的話, 就比較肯定唔會有孕吧。
我發覺好多人都有個誤解, 就係當左教科書教導嘅月經周期日數先係正常, 如果28日都唔黎就叫做遲。月經周期其實每個人都唔同, 所以有人係28日, 亦都有人可以係35日添。加上身體嘅荷爾蒙水平都會隨住身心變化都唔同, 所以就算係準時, 都仍然會提早或者遲黎一兩日嘅情況。你可以回憶一下對上幾次月經周期係幾多日左右, 先可以睇下係唔係比較唔規律。
有病同食藥令身體機能有變, 咁樣都會影響荷爾蒙嘅, 所以病過而遲黎M都係正常。
即使男生無射精, 性興奮時分泌嘅前列腺液都可以有足夠精子令你成孕。下次記得係任何性器接觸前, 都要先戴好安全套或者採用其他的避孕方法。
你所講嘅反應同谷M無咩分別, 加上憂慮會有BB, 會容易令身體感到不適。放鬆心情同盡快驗孕, 放下心頭大石先吧。記得呢段時間暫時唔好有性行為住。
1個讚
多謝你嘅建議
啱啱check完就黎咗m😂
以後一定安全第一
1個讚