1）我想問下 點解我第一次搞 男朋友插左一個鐘都唔入 我就覺得好痛？
2）來完m第一日搞 無內射 會唔會有左？有幾大機會？
-
男生第一次通常都唔係太知道陰道位置, 你可以試下引導佢。痛係因為你緊張而唔夠濕, 留意自己敏感帶係邊, 做愛前前戲足夠令你投入D同濕D, 可以減輕第一次的不適感。
-
只要係唔安全性行為, 幾時發生都有懷孕機會, 只係機會比較微而已。男生興奮時分泌嘅前列腺液已經有足夠精子懷孕, 精子係合適環境下可以生存幾日, 如果撞正排卵的話就會有機會受孕。
1）我係第一次 但佢唔係 結果都係入唔到
2）有帶套 但穿左
1個讚
-
即使佢之前有性經驗, 每個人陰部個構造都有D唔同, 搵唔到都並不奇怪。可能佢亦顧慮到你感到痛楚, 所以就住就住咁樣吧。Practice makes perfect, 每一次都係知道自己身體反應的好時機。
-
穿左的話都係唔安全, 安全套要小心穿戴同保存。戴起時小心俾指甲刮到, 要保存係陰涼地方, 唔好放係銀包入面 (開合銀包同身體熱力會令乳膠變壞) 或者放係有鎖匙的袋入面 (避免俾鋒利邊緣刮穿)。
1）點解我咁難破？要點改善？
2）點解個套會穿？穿左但無內射 仲要係來m第一日後搞 大唔大機會有左？
3）如果真係有左 無破處都可以做人工流產？
4）入既時候好痛好痛 係味即係咪破處女膜？
每個人身體都係獨特嘅，反應同承受能力都唔同，呢個唔需要太過介意。慢慢掌握自己嘅敏感帶、前戲要足夠、俾啲性幻想自己，甚至係用潤滑劑會有啲幫助。但最重要都係同伴侶溝通，勇敢講出自己想點做。
上面有講過可能係保存方面做得唔好，又或者指甲刮到而穿破。問下男朋友點樣處理安全套，教下佢正確嘅保存方法。
上面亦提過你懷孕嘅機會好微。
人工流產根據懷孕嘅時間有唔同嘅做法，可以係食藥等組織排出、可以係做手術吸走胚胎等組織，是否破左處無關手術嘅形式。
一般黎講處女膜並唔係完全覆蓋陰道入面，中間通常有一個甚至多個窿容許經血流過，而有啲人處女膜有彈性，或者中間嘅窿較大，所以連勃起嘅陰莖都能夠通過。
陰道入口係比較窄，唔夠潤滑同緊張而摩擦當然會痛，當然未必能夠分到係唔係整損處女膜吧。
係唔係穿左處女膜之後做就唔痛？
回應返第二個問題，我來m不嬲都唔準，咁係唔係增加個懷孕機會？
唔係，係要慢慢適應架呢
只能講如果你經期唔太有規律，就更加要做好避孕措施