割包皮分享

是咁的,早前做左個割包皮手術。做完之後發現網上有好多誤導以及過時的資料,於是想以過來人身份分享一下,希望幫到有呢個煩惱的男士。

手術前 : 包皮手術的謬誤
1 . 其實呢個世界上好多男仔都有包皮過長嘅問題,重點係『係咪長到要割』。一般分為包皮過長同包莖。包皮過長指龜頭只有好小部分露到出黎,而包莖呢則係完全露唔到。帶一帶頭盔先,呢個唔係定義黎,純粹係從醫生口中加網上資料得出較簡單嘅結論,有懷疑最好問醫生。而我係前者,當時醫生覺得我係可做可唔做的。

  1. 點先要做手術?
    最好當然係問醫生啦,但如果你無法顯露成個龜頭、曾經陰莖有發炎或者係包莖,多數都需做手術。

  2. 割包皮可以治療早泄?
    呢個絕對係一個錯誤嘅想法,當時醫生同我講過係不可能的。

4.點解要割包皮?
通想都係防止陰莖發炎、減低感染性病機會同保持個人衛生等…
我個人就比較受心理因素影響,感覺上自己好似有問題咁。加上如果太長時間冇沖涼或者沖涼唔夠乾淨都會令到無法反起龜頭。但其實只要沖得乾淨d都係可以解決到的,當然割左包皮一定會衛生d,因為可以減少積左係包皮到嘅尿。

5.包皮長=一定要割?
都係個句『問醫生』,但如果醫生話『可割可唔割』的話。我個人認為最好唔好割,因為任何手術都有風險的,如果可以透過其他方法解決又可須多此一舉呢(e.g沖乾淨d)。所以我都有小小後悔,但當時網上實在太多不實嘅資料。

跟注會講手術嘅過程,希望大家睇完可以細心同認真思考以防做錯決定。

  1. 係網上大家應該唔難搵到關於割包皮嘅資料,但即使係由醫療機構所講嘅都唔係100%正確。因為基於金錢考慮,佢地會誇大或誇小左。

當我去到一家私家醫院(係網上搵到),醫生除左同我檢查之外亦即時帶頭盔,話個網站唔係佢寫有好多都唔岩或唔同意。我當時聽完都o一o嘴,之後佢都再同我詳細解釋成個手術。解釋完,醫生就問我需唔需要多d時間考慮,我當時話唔洗仲即刻做手術,但我強烈建議大家話要,即使無問都要同醫生講想考慮一下。

好喇,上網睇通常會見到『傳統割包皮、激光無刀包皮術同無縫針包皮術』,但其實大部分醫院都只有激光所以係冇得簡的。手術時間最少都要30分鐘,而d網站都會誇小左個時間。

另一個佢地會誇小嘅就係痛楚,大部分都話手術過程唔點痛。的而且確,割緊個時其實只係有小小蟻咬感覺同埋逢針會痛小小,但重點係大部分都採取局部麻醉。而局部麻醉要打2針,第一針超痛(醫生都話會痛到要心要肺),呢一針打係肚臍對下,陰莖對上個凹位。第二針都好痛(但唔及第一針),呢真打落陰莖到。最大問題係有機會藥力去唔到陰莖某d位所以有機會麻醉唔到。不過呢個情況好罕有。

做完手術會有陣陰陰痛,不過痾尿係唔痛的。其實手術個d痛唔算得d咩,因為手術完之後2星期先係最難涯。點解?因為你唔可以勃起,亦即係扯旗。但要明白扯旗是不受控的,一個男人一晚會不自覺扯最少5次旗。你呢2星期要防止扯旗,但呢個世界上係冇一種藥物可以令你唔扯旗(所以呢2星期令我一度立志要創造一個咁嘅藥物),而化解扯旗方法就係痾尿,但其實唔多有效同埋邊有咁多尿痾。而一扯旗係會有機會爆傷口的同埋真係訓得再林都會醒,所以呢2星期都冇覺好訓。而個種痛…大約等於孫悟空比人念緊箍咒,總之就係痛啦。而其實頭一星期行動上都唔係好方便的。所以點解我一直強調盡量可免則免,有得簡都盡量唔好做手術。

其實仲有護理篇,如果大家覺得有用希望可以多留言,等我考慮需唔需要打埋。
希望可以解決到有呢個煩惱嘅朋友
最後,帶多次頭盔,以上純粹個人睇法同經驗。如果有咩問題都係問醫生好d。

5個讚

多謝你嘅分享呀!雖然我冇包皮嘅煩惱,但我都覺得你個人嘅經驗分享係好寶貴!有時間再打多啲分享下呀!

Btw介唔介意講下你幾多歲

我好明白打麻醉針係最痛架,因為麻醉針係直接打落去神經線麻醉,個種痛真係喊出來。
不過有好多男仔都唔敢睇醫生問,去到發生性行為嘅時候先覺得好困難,我地一直建議大家睇咗醫生先。
好期待你分享護理part,我好想知道啊!多謝你來分享經驗。:slight_smile: