我同男友都係第一次，前戲果陣佢冇戴套，不過佢冇接觸到陰部，只係用手指，我隻手掂到佢底褲都感覺到佢有分泌，應該係前列腺液⋯之後入果陣佢有戴套，可能我地都係第一次冇經驗，入左少少我就覺得痛，佢就冇再入得好深，應該未破處，佢係陰部外面射左⋯想問下呢個情況：（1）仲係處，（2）入果陣有戴套，但揀左隻比較薄既套，雖然佢檢查過射完之後冇野滴出黎應該冇穿到⋯（3）前戲果陣有分泌但應該冇直接接觸，咁樣有BB既機會高唔高呢⋯因為我自己而家係危險期，通常排卵期我都比較多分泌，咁樣會唔會有利精子入去造成意外懷孕呢？我已經擔心緊要唔要食事後丸⋯唔該晒！
唔介意我問兩個問題嗎？
1）你隻手摸過佢下體，覺得佢濕濕地後，有無掂過自己嘅陰部？
2）佢係陰部外面射精時係唔係戴住套？
過程中我冇掂自己陰部啊，反而係之後去沖身果陣我唔肯定自己係咪洗乾淨左隻手先掂自己⋯
佢係外面射果陣有戴住套，不過戴住漏出黎既機會高唔高呢？
唔該晒你！
精子離開身體後好快就死亡, 所以沖身個時仲有精子存活的機會好微。另外男朋友用正確方式按好安全套的話, 亦應該唔易漏出黎, 但都係最好提醒一下男朋友, 需要射時可以避開陰部, 係處理完安全套要徹底洗手, 咁就萬無一失啦。
其實如果佢只係入左少少，處女膜冇穿到，加上佢外射，咁懷孕既機會係咪唔高⋯？
假如冇中到招但食事後丸，對身體會唔會有害呢？
一般嘅處女膜中間有窿比經血流出, 所以精液同樣可以由呢個窿入去。不過你提過男朋友係有戴套嘅, 咁樣懷孕機會真係好微呢, 唔需要太過擔心。