好苦惱 月經無黎:-/

我今日已經成十七日無黎m …
之前已經用驗孕棒驗過無懷孕
無黎m既症狀 又無懷孕既症狀
我一直以為係自己呢排夜訓先會遲到
依家唔知點算好 應唔應該去睇醫生:(

除左夜瞓之外, 生活上有無咩野轉變而令自己壓力大或者唔開心?
西醫角度無睇月經超過3個月先至需要處理嘅, 所以即使係睇醫生都好, 都係會開調經藥等月經黎到。

近排都無:-/ 係日日都差唔多四五點先訓。

似乎作息唔係好定時呢, 咁樣係會影響經期架呢。
點解會咁夜/早呢?

影響經期會唔會影響咁多日:(
其實我都係見放假煲劇先咁遲訓
但係無黎咁多日我好驚之前支驗孕棒係出錯/___\

係會架呢, 例如有D人因為工作或者考試壓力, 可以幾個月先黎一次月經。
如果係擔心的話可以再驗孕, 呢一次都係陰性的話, 有左機會係非常非常微。
你對上一次係幾時驗的? 係miss左第一日就驗定係遲D/早D?

驗孕都係一星期前既事
我已經驚唔準無即刻驗

建議你再驗多次, 咁樣你會安心D
當然要注意暫時唔好有性行為住

更新: 我尋日又買多左支棒棒驗孕 結果都係陰性 但係我始終都仲未黎m 點算:(

係時候幫趁醫生。

如果兩次都係陰性,懷孕機會非常微。
但如果你想調一調經,可以睇你嘅家庭醫生呢。