做完後都會尿道炎痛

我同女朋友每次做愛之前都會沖乾淨涼先
之後先進行性交,其間無口交,做完之後亦會再沖涼
但女朋友卻講每次做完後都會有尿道炎既痛
而佢同之前既伴侶都好少呢個問題,我都係
有無咩可以檢查同再減少情況發生?

女朋友之前有無患過尿道炎? 除左陰道性交, 會唔會用手或者玩具去刺激陰部?

我諗以前佢會有,但比較少
係同我做完之後先痛,有用手無用玩具
就算用手都係摸陰蒂位,同埋做之前已經沖涼

沖涼只可以洗走外面嘅細菌,要避免不適,反而係要去小便沖走尿道入面嘅細菌。

尿道炎好多時係因為陰部長期焗住,有害細菌容易滋生,加上女生尿道短,細菌好容易走上尿道引起發炎。所以平日保持通爽係好緊要,亦要多飲水去沖走尿道嘅細菌。

尿道口係陰蒂下面,有時太大力刺激陰蒂會有可能整損尿道口而感痛楚,可以留意一下會唔會咁。

佢都有去小便既,再了解下先
有需要再指教

做完后如果环境允许,最好去洗澡和小解。

你係咪用緊橡膠condom?可能係橡膠過敏。或者condom有無話係spermicide (殺精)?我用過有殺精劑嘅condom一排,次次都瀨嘢發炎,一無用就無事。

其實我無用套🙄

如果唔想要BB,請帶安全套。事後丸好傷女朋友身的。唔好忘記安全套亦能幫助保護自己,預防性病。