黎完m之黎大約幾多日會係排卵期.?
同埋黎m黎左6日已經冇咩經血內射嘅話會點.?受精機會大唔大.?
即使你每次月經都好準時，每個月經週期嘅排卵日都唔同。以28日一個週期為例，排卵時間可以係12-16日不等。
因為唔知道你嘅月經週期係幾多日同埋穩唔穩定，所以好難講受精機會係低定高。任何時間都做好安全措施吧。
差唔多黎完內射左係會唔會有Bb.?
會。一方面排卵係會隨時出現, 另外精子係適合嘅環境下可以係身體內存活3-5天, 所以機會係一定有。
適合嘅環境即係點呀 排卵唔係隔好多日先會排嘅咩
濕潤同合乎酸鹼度的環境吧。先前都講過, 排卵唔係每次都係個日, 而係受荷爾蒙影響。身體變化同情緒都可以影響荷爾蒙分泌, 就有可能隨時排卵, 所以唔好心存僥倖以為真係會隔好多日, 而忽略去做安全措施。