你好本人不幸患上過椰菜花 我感到好無助 我唔識處理 唔敢同家人及朋友傾訴 只怕他們不知怎樣眼光 我好失落 每日都努力諗正面野 但我做唔到 每次上網睇完有關椰菜花 我都無哂心機 唔知點算
我是上年約6-7月 因為陰莖 側根有1粒肉小粒
後來去了私家 醫生說是椰菜花 後來做了冷凍 醫生解釋唔清楚 一直對椰菜花無認識 雖然做了冷凍沒有椰菜花 但是事隔接近一年 今年6月尾開始又復發 今次生了 約3粒小肉粒 我今次去了政府衛生署處理 醫生搽了藥水 2日後小肉粒已經無 但傷口還在 但醫生沒有比其他藥膏 很驚再次感染 我不知找哪個醫生比較好
我不知怎樣處理 有時覺得自己好污糟 帶菌者 好似怪獸咁 我有一個好喜歡女仔 我感覺到大家都喜歡大家 可惜自己有這些病 令我不敢拍拖 談戀愛 我不想傷害她
即使身體有病毒，都不要影響自己自信。椰菜花的情況，會在身體虛弱時番發，平時保持心境開朗和健康作息，對你十分重要。如果和那個女生互有好感，不如婉轉地對她說自己的擔心，好過自己一直掙扎地難受。你們之間的關係好嗎？
去睇醫生之前, 不妨記底有咩問題, 到時睇醫生一次過問佢。保持心境開朗都好重要, 太大壓力亦都會易D返發的
我明白遇上性病依D事會有好多負面情緒同諗法, 件事發生到宜家可以同自己做個理性嘅總結, 例如清唔清楚自己如何染病, 今次學到D咩, 日後有咩可以避免等等, 唔好一面倒負面, 相信依件事都有令你成長嘅地方。
而再談戀愛方面, 的確係比較複雜嘅問題, 唔係可以係到三言兩語就可以得到一個答案。可以同佢發展下先, 多D交換睇法, 了解下佢係個點GE人, 接受程度係點等等, 唔好假設佢一定接受唔到, 但一直要係發生親密關係前比佢知道你嘅情況, 將傷害減低。