之前發生過一次，有用套，但因為擔心會穿所以四日後去左家計食一次性事後丸。
之後發生後第十四日黎左次m，黎嘅日數同以前咁上下，又有m痛
個次m之後第三十一日黎左另一次m，但量好似比平時少
而家係第二次m後嘅第十八日，呢幾日成日有想嘔嘅感覺，又冇胃口，又胸痛，好驚有左
前日用過屈臣氏買左3x蚊嘅驗孕棒驗，但冇用晨尿，結果negative
但係因為keep住冇胃口同想嘔已經五六日，所以好擔心，加上以往係m前幾日先會胸痛，而家做咁多令我好擔心
請問應該點做好？會唔會有左但都會有m黎？好驚黎嘅係假m
你好呀，見你好似好擔心呢 
-
你同你伴侶發生性行為時有用到安全套，避孕率大約有 98% (當然視乎安全套本身質素)
-
家計會避孕藥物成功避孕率極高，只有 3% 左右失敗率，算得上係非常可靠
-
再者如果真係懷孕，計起上嚟已經有 49 日，就算唔係用晨尿，驗孕棒都唔會出錯 (因為女性懷孕之後會開始分泌一種叫 HCG 嘅化學物質，而呢種物質喺尿液入面嘅濃度會喺懷孕之後暴增)
明白性行為之後係會有憂慮嘅，不過你可以做嘅已經做得好好，亦有喺 120 小時之內食避孕藥物；依家你胸痛、冇胃口同想嘔都可能同你壓力過大有關係，適當地放鬆自己可能會令身體狀況有改善! 