分手還是炮友

我同依家既男友Long Distance 左幾個月,係開始左第1個月已經有性行為。
自己好意外作為處,係第1次性行為並無太緊張,反而好享受。
幾個月冇見到對方,大家有時會sext,甚至交換相去滿足大家累積既慾望。
佢經常會要求我立即出現係佢身邊,一齊做愛去排解慾望。好可惜,最快都要幾個月後先有時間真正見面。

當我決定計劃拉近彼此距離,希望去佢既國家住短時間,藉增加大家相處時間了解對方(畢竟文字交流的確非常局限互相了解既程度)。當佢知道後,回應係:我唔能夠make commitment, 我只想have fun and create happy menories. 然後開出條件:我依家只想你做我sexual partner, 大家都享受同對方性愛,有何不可呢?

我好清楚,我唔能夠完全分開性、愛,之所以享愛同佢做愛,都係基於信任同愛既感覺,性係其中一種表達愛意既方式。呢樣野亦係佢教我既,然後打破既亦係佢,佢表示可以將性愛分開。
自己對SP呢種純肉體關係無好感,我能夠想像同炮友做愛後既失落同空虛。
當我表達唔想要SP,佢表示我地既關係要完結,要做番朋友。當中其實大家好努力說服對方去接納自已個套,我想繼續呢段relationship, 佢想我做SP。

我承認我仍然愛佢,亦唔介意再同佢發生關係。但心裡面覺得難過,點解佢明知我愛佢,仍然要運用呢點去挽留我但唔比個恰當既身份我?

我有反思,係咪唔應該太認真太早講未來講計劃?

講到尾,我知道,做唔做炮友,都係視乎我有冇勇氣去承受帶黎既傷害,我可以搏一次,可能等timing到佢願意再負責任,可能佢會漸漸連愛既感覺都冇,然後不歡而散⋯⋯

另外,我好怕,好怕真係做左SP,我再冇能力分辨到一齊到底為性,定愛⋯⋯

我唔認為你太早談未來, 因為去佢國家住一段時間都係一個幾大嘅決定。

長距離關係可能令你地都側重左係性事上面,亦都無機會有共同經歷令你知道佢嘅性格同價值觀。一段感情多少需要有共同嘅意向,但依據你咁講,價值觀嘅不同係唔能夠互相說服到,況且感情並唔係單單一方屈服而去繼續行落去嘅。

故即使你仍然對佢有感情,都唔好一商情願以親密關係維繫彼此。現在你離開,對你傷害亦都較細。如果你繼續維持住關係,佢俾唔同愛嘅感覺你,而你嘅身體又會依賴佢多啲,到時就泥足深陷。

我承認大家真係極缺乏共同經歷,我曾經以為大家可以慢慢累積經驗同感受對方,原來遠距離就係原罪/最大既限制⋯

係咪應該比時間大家冷靜,最少唔會衝動做決定講錯野⋯

分開左仍然好掛著佢,心裡面有千萬個想法想奔向佢,好想重新黎過⋯⋯由無性關係開始,但大家真係隔得好遠好遠,好難經常抽到時間同錢去好好經營⋯⋯ 應該點算 :(( ?

人都真係需要面對面相處過先有更全面嘅了解, 但又唔需要將佢變成一種原罪。不過我覺得係遠距離嘅交流上面, 似乎就側重於性愛上面。

你可以試試, 因為你同佢性格上似乎都係想說服對方個一種, 睇下有無機會可以慢慢傾到個共識出黎。不過冷靜期當然唔好再sexting住, 令你身體唔會對佢產生依賴。

感情真係唔能夠一商情願呢, 如果冷靜落黎再傾都無共識, 或者係價值觀上面同你相差太遠的話, 其實係好難再維繫。

想請教下,當大家想法唔一樣,應該點樣come up個相方都同意既結果? 我明白唔係每件事都可以有共識,但真係好想知,點樣令大家都嘗試了解對方,再傾共識?

先溝通好大家對個件事嘅底線係邊度,如果兩條線有差距但唔多(多與少你地都可能有唔同量度),可以睇下取個中間點,大家可唔可以係呢個中間點上都唔會覺得難受。如果件事無分對錯,有時亦可以用take turns方法去處理,例如今次做你鍾意嘅,下次做佢鐘意嘅咁樣。

不過今次似乎係價值觀分歧,加上對方唔想維持愛情關係。唔係咁容易去come up a solution。