尿道球腺分泌同前列線分泌液點樣分 尿道球腺分泌會導致懷孕？如果性器官無接觸 只係有用手掂到陰部 同機會係有幾多個% 有無人真係咁樣中過.咁樣易唔易有
參考下呢度：
http://mobile.goaskalice.columbia.edu/answered-questions/pregnant-pre-cum
-
如果你真係想分清楚的話，興奮時嘅分泌主要係尿道球腺，尿道球腺分泌（所謂嘅pre-cum）係透明嘅。前列腺液係精液構成部份之一，但都可以係性興奮時由尿道排出。
-
尿道球腺定係前列腺都好，兩者嘅分泌都係無精子嘅。不過之前射過精的話，精子有可能留左係尿道入面。當有分泌產生經過尿道時，就會令分泌物帶有精子。雖然留係尿道嘅精子數量唔多，但有唔安全性行為的話，仍然有機會會懷孕。
-
如果用手掂到分泌之後再觸摸陰部，懷孕機會係好低。一來分泌中精子數量唔多，再者精子暴露係空氣或乾燥環境下，數分鐘內就會死亡。幾多個巴仙係唔可能有個實數講到你知，但要受孕的話一條精子就足夠。所以掂到自己性器之後，先用梘液洗手再掂陰部會較為安全。
但我係興奮時嘅分泌掂到唔係射精之後
如果你係個次性興奮之前有射過精 (例如自慰) 而又無去過小便, 咁就會有機會令精子留係尿道入面。
如果係兩樣都無呢 射精又無去過小便 機會大唔大…我想問下之前意思係有幾耐…
同埋佢的月經遲黎 佢成日都唔定時 加上佢之前又食左事後藥 咁如果過左35日咁代表懷孕?
Help
如果單憑你描述去推斷的話, 懷孕機會唔係無, 但真係好低。
與其不斷地推算究竟個機會有幾大, 點解唔考慮恆常地做好安全措施呢? 由其是你女朋友經期唔定時, 有安全措施的話可以令佢唔駛成日擔心有孕而影響經期, 又唔需要食事後丸令佢身體情況更加混亂。
聽你講完話好低都安心好多 但我怕佢過咗35日都未嚟m 咁過咗35日仲使五使等