會唔會中左?

我今個月7號同女朋友發生左性行為,中間有一陣並無帶套,最後就體外射精,女友一向12號黎m,但到今日未有跡象要到。
我有幾個問題想請教各位,係咪性行為會打亂週期?如果係多數會遲幾日?
如果係想射之前經已拔出,過大約5-10分鐘先射,咁中GE機會係咪無咁大?
感謝各位。

性行為係唔會打亂月經周期的, 反而要留意返會唔會有其他原因 (例如生活壓力、飲食不定時、睡眠不足甚至係擔心有孕等等) 令月經未黎。

男生的pre-cum中的精子已經足夠令女生懷孕, 雖然機會係比較低嘅。如果女朋友今日都未黎經, 建議用驗孕棒做個測試先。

回覆翻,女友係17號開始有月經,今日第5日量開始減少,但女友表示話今次黎經感覺有D奇怪,上網睇好多資訊話假月經都會同月經相似,但為時只有1-2日,如果係咁,係咪代表佢無懷孕?
始終唔敢面對結果,因此一直都無去驗。。。

如果你地覺得懷疑、擔心,都係驗孕最好。如果你地一直唔驗,只會一直擔心落去喔。你女友嘅情況似正常月經,佢呢個月係咪好緊張或者有食藥影響身體?
因為我們無法隔空告訴你你女朋友的身體狀況,無論發生咩事,都係要自己面對。早d知道結果,自己會快d調整心態。
如果冇懷孕當然最好啦,下次記得要小心。如果懷孕了,都有唔同方法去面對嘅。

1個讚