各位你好，小弟想問下以加妨間係咪可以驗到一個女仔係咪有同男仔發生過性行為？萬分感謝！
對於處女的定義，可以參考下我地之前的文章
//處女泛指未發生過性行為嘅女性。咁處女膜又係指咩呢？唔知各位女仔會唔會覺得好奇怪，如果處女膜係陰道嘅一塊膜，咁…每個月嚟M 嘅時候其實經血係點出嚟？其實處女膜係陰道口外嘅一圈薄膜，處女膜中間有一個直徑1至1.5cm嘅孔，每個月月經就係到流出。未發育完成嘅女仔，處女膜會厚啲，隨著年齡增長，處女膜會開始變大變薄，發育完成大約厚1至2mm。但有啲女仔嘅處女膜好薄，劇烈運動或者碰撞之後會自行破裂，其他女仔就會係第一次性交嘅時候破裂，並且少量出血。//
至於要準確地知道處女膜是否撕裂，需要醫生用內窺鏡檢查。
2個讚
唔該你先，但我知道有好多原來都可以令到處女膜破裂，但係有冇話可以清楚知道係性行為而導致？
想知道點解一定要知道是否曾經性交過?
2個讚
因為我女朋友佢屋企人對呢d事都好抗拒，所以佢怕佢屋企人知之後話要驗係咪有性行為
是否曾發生性行為, 對於一個人黎講都算係私隱吧。除非因為犯法或健康問題不得不通知家人之外, 實在搵唔到理由家人需要知道呢樣野。
1個讚
如果硬係要驗就姐係能夠驗到係咪經男性生殖器整破？
只能夠話能見到陰道有異物進入過，並唔會咁肯定話男性生殖器。其實呢個擔心真係唔需要，咁擔心反而會影響日常生活。你女朋友之前有冇拍過拖？佢屋企人係咪覺得佢年紀比較細而擔心？
2個讚
唔該曬你丫，係丫
首先都係提提你，假如你地未滿16歲，發生性行為是違法的。
另外就係如果家人對拍拖有保留，你地希望能得到家人接受，就要面對一些壓力，例如要保證不影響學習和會保護自己。特別是女生家人會擔心未婚早孕、感染性病或者風氣問題，雖然現在年輕人戀愛已經不像以前咁保守，但女方家人有呢方面嘅擔心，女生會感到有大壓力。作為男友，要給多一點理解和尊重呢。
1個讚
hi