深啡色 量少 月經問題

我一直經期都唔太準
最近隔左最耐既一次就係7月1號第一日黎,到8月14日先再黎M
足足隔左45日
之後到9月5號果個星期keep住有d啡色分泌物流出黎 有少少似血但又無經血咁濃,稀身d keep左大約4,5日左右
之前從未有過咁既情況
到9月19,20號 黎左d深啡色 類似朱古力色 係血黎但量好少 同埋只係黎左兩日 到而家都無正常既經血排出
又係從未有過咁既情況 之前就算遲黎M 顏色流量同埋日數都正常

想問下9月19-20號黎既深啡色血算唔算係經血?如果唔算咁我身體出左咩事@@?

近來會唔會比較大生活或者精神壓力呢?

你好呀!
你幾歲呀同埋有冇男朋友?
如果有: 會唔會係有懷孕可能性?
如果冇: 你有冇一系列既經前症狀如乳房脹痛,小腹脹/痛, 腰酸等?
你之前有冇做過啲婦產科檢查?你今次次月經係唔係幾正常 可以考慮下去做檢查

影比我睇下lo, 等我用中醫生既角度’‘調理’'下您咁。。

糖不甩一直希望正面談性,為香港人提供可靠知識。好多發問者都係有佢哋好想知嘅疑問。但有時都會有啲令人不安同無建設性嘅回應留言,希望你可以自重。

你的留言經常以對方的身體狀況開玩笑,但這些玩笑對於發問者來說,可能是一個困擾。我們這個平台希望能幫助有疑問的人,如果你繼續以嬉笑的態度回覆發問者,我們將限制你的留言。謝謝你的合作,請互相尊重。

對不起囉:unamused::unamused::pensive::pensive:

1個讚

經血停留在子宮內的時間較長,而份量唔多,當流出體外時,便可能呈深咖啡色
呢個係正常的情況而並唔係病

我二十歲 有男朋友 9月6號 8號同14號都sex左但全程帶condom
我不嬲無乜m前症狀 不過平時黎m會m痛
但19 20號黎深啡色血係一d痛都無 所以應該唔算係月經?

當我月經週期最長係45日 今日已經係第45日但我仲未黎M又無任何經前症狀
有左bb既機會係咪好大?

如果你最長係45日黎, 今日第45日都未黎的話, 可以去買驗孕棒驗一驗的了。

1個讚

我驗左啦 陰性
但我唔係用晨尿驗
驗之前4-5個鐘無飲過水 結果應該都準?

坊間買到嘅驗孕棒都唔需要用晨尿去驗,只不過晨尿入面孕激素嘅濃度較高,所以會比較準確。如果驗左無事,可以隔多3-7日再驗多次。

近來生活上會唔會比較大壓力,又或者有病過呢?

我又唔覺有好大壓力 只係習慣夜訓 同埋近排有D擔心自己身體
亦都無大病過 係月頭有少少傷風有食過幾次傷風藥
咁如果過多3-7日仍未黎M驗左都係無事 係咪應該去睇醫生調經?
定其實而家懷孕既機會已經好微?

作息唔定時多少都會影響身體嘅內分泌嘅。
如果下一次驗完左都係陰性而你仲係有點擔心, 係可以去家庭醫生到調經。
亦可以考慮下睇中醫, 由自己身體屬性等入手去調理身子。但中醫需要較長時間見效。