個男仔係我同事，一開始認識既時候就知佢有女朋友 所以我一直都當佢係朋友咁相處。
平時返工我地都幾岩傾，會講下無聊野同埋會傾下興趣，喜好，旅行景點等等。後黎佢成日會整古我，趁無其他同事見到個陣嚇下我(我會還擊打佢)…維持一段時間係咁樣成日吹水同打打鬧鬧既情況我都無咩感覺，直到前排有另一位女同事(都識個男同事既)同我傾計個陣成日有意無意話我鐘意個男同事，又話個男同事都唔錯架考慮下啦之類咁，我就話佢有女朋友，唔好亂講喇。
但其實女同事咁講完我就多心喇(唉 女仔又時候係好易俾人影響，所以我先咁唔肯定想係到問下)
我同個男同事照樣會吹水傾計，同時我開始留意個男同事，發現佢好多時見到我出現係佢座位附近(因工作需要)(我地工作位置有d距離)都會行埋黎同我吹水。見得我自己係位，佢會走埋黎好似有工作既野要整咁 不過多數會變左做一齊傾計…同埋佢成日整古我跟住我地就會追黎追去打鬧，試過玩到我係咁吱佢 兩個人靠到好近。
又試過有次佢過左黎我個邊搵個同事傾工事做野，當時我見到佢過黎有望一下，但因為個日我好忙所以都無再理佢。到佢傾完同個同事講類似"我返埋位先"我都忙到無時間理佢/望下佢……佢返埋位前行左黎我到講左兩句先走
不過我地少私底下聯絡，佢都無特別主動whatsapp or 打俾我，就算whatsapp 多數都係講工事先，之後再伸延講下其他野，搞gag 吹水
我知佢有女友，亦知係未分手，所以無打算要做咩…想知佢會唔會對我有意思，因為個女同事講完之後我怕我諗多左。同埋我都唔想自己亂諗(好煩)，如果係我諗多左我就定d，笑下自己白痴算，但如果佢係有野既話我覺得要同佢保持距離。
即使進入左戀愛關係，都會有人想同其他異性打打鬧鬧，可能佢係想有啲曖曖昧昧嘅感覺，可能純粹真係當你fd咁，你永遠唔知佢點諗，最緊要你知道自己想同佢保持係一個咩距離，見你其實都知道要點諗啊，你又點睇？
1個讚
好似無論佢對你有冇意思都好，你都覺得同佢保持距離係最好嘅做法。
我自己覺得如果個男仔真係好意思，應該都會私底下聯絡，所以可以唔洗諗咁多先。
可能佢覺得同你特別好傾？平時同異性都係咁相處？
1個讚
我諗介意佢有女朋友而我地既打打鬧鬧情況比較close，我代入返佢女友既角度諗，如果我係佢女友，知道自己男友同公司女同事玩得咁埋仲有時會吱下佢打下佢 應該都會唔開心。
其實講咁耐我估我係想有人話我知我諗多左 哈哈，因為如果我明知佢有女友又對我有意思 依舊同佢咁樣有點曖曖昧昧，我覺自己好過分……睇黎我都係同佢保持返d距離，返工見到傾兩句okay既但我覺得唔好成日打鬧會好d，因為我都怕咁樣相處落去而我又亂諗佢係咪對我有意思，諗得多會真係鐘意左佢
我覺得如果唔係另一位女同事提起, 你又未必會咁留意個一位男同事。可能你同男同事的相處方式, 可能令個一位女同事覺得你地之間有點微妙, 所以會誤以為你鐘意左佢。好似上面Julia咁講, 你同熟絡左嘅異性, 會唔會係言談間會容易有身體接觸呢?
不論男女都有人係相熟之下會比較多身體接觸的, 係性格使然, 同有無另一半無關係。男同事性格可能就係咁, 但如果你認為要有避忌, 咁樣俾返少少距離大家, 你會無咁容易去胡思亂想。
1個讚
Thanks 咁多位 我講左出黎自己都好似比較清晰d~
我同其他熟悉既男同事可能都係傾計多 無咩身體接觸，我同識左好多年(5,6年以上)熟既男性朋友都會拍下肩膀咁傾計，好似朋友鼓勵/安慰對方個種
我都覺得好似julia 咁講，如果係有意思應該會多d私下聯絡，同埋好似siuhokei講既如果女同事無咁講過 我都應該唔會留意男同事咁多。至於個男同事同熟悉既男女係咁都係咁樣 我就唔多清楚，因為都少見佢係同事都係到既時候整古人之類，不過佢係一個健談既人。好似ivan講既我知自己點諗就好
呢d咁既事都幾煩 哈哈 share 左出黎感覺好好多
1個讚
最緊要係講出黎等自己唔會亂諗野，相信自己gut feeling，但又唔需要好突然咁疏遠。
1個讚
嗯，明白:)
我都希望同佢係公司好好相處 所以我又唔會連計都唔佢傾既，不過我會避免唔好玩太埋有肢體接觸。反正呢排公司真係忙，我都應該無時間亂諗咁多lu
Thank you 啊！
2個讚