自己用咗 MCUK 幾年，覺得好過 pad 同 tampon。大家分享下自己經歷，或者問問題。
我都用緊月經杯，仲賣好多出去tim。但係唔係個個香港女仔夠膽試，有人以為會拉子宮出來，或者會入急症室。月經杯係我試過咁多嘢之後覺得最舒服嘅，乾爽環保唔怕感染。有時好想身邊朋友用，不過佢地會擔心同接受唔到，算係俾其他人知道多個選擇啦，哈哈，唔會因為佢地接受唔到而覺得意見不合嘅
1個讚
我都有同朋友題過，佢哋都覺得奇怪或污糟。不過我覺得多啲人用就會容易啲接受。我實在太頂唔順用巾果種焗同陣味，tampon 又乾憎憎。
我見到 Sally’s Toy 有提起你呀。但係佢哋淨係賣Lily。係市面上其中一個最長（同最貴）嘅杯，唔係個個都啱用。我知 Sally 都有賣 Lily compact，係短啲，但俾其他牌子嘅容量細，同埋都係較貴。Amazon review 見到有一部份人投訴過個摺位比較容易裂，因為始終比較薄。
如果有興趣嘅我會建議 Si-Bell cup，長度比較中等，silicone 較其他牌子軟身。係http://www.femininewear.co.uk/有得買。寄到香港都係大約$250。通常都有10% promo code，而家個係 AUTUMN16 。唔係賣廣告，我唔係幫佢哋打工，只係覺得香港冇乜選擇。
1個讚
我知道香港冇咩選擇，我都唔係賣廣告hahaha。我地公司同事有試過其他牌子月經杯，例如meluna，diva，flur cup咁，不過覺得麻麻地，主要係TPE容易變形。lily cup暫時係我地可以接觸到最好的醫學矽膠杯。我都好想大家多d選擇，香港人好難接受新事物，又好容易受媒體左右，我唔知講咩好。
我去睇下Si-Bell cup先，見到youtube個女仔有推薦，真係好，有人係度講下月經杯。
1個讚
哈哈我見呢排香港好似開始多咗人接受，所以開個帖嚟傾傾。我都聽講TPE比較容易變質同埋會有種痴笠笠嘅手感，所以我都係用silicone嘅杯。Diva係美國最普遍嘅杯，因為好似得佢係大超市會有得買，其實都係silicone造，但係亦都係較長同埋硬，所以都有好多人話會唔好用。我用MCUK都用咗幾年，個陣冇太多牌子揀，而家就多好多啦。
好多時長度係會第一樣令到用者唔舒服嘅原因，之後通常就係硬度。如果子宮頸較高，用長嘅杯會好啲因為如果杯太短可能會較難拎個杯出嚟。如果子宮頸較低就應該用短杯如果唔係可能會頂到子宮頸唔舒服。多做運動嘅女仕骨盆底肌肉較強，唔用啲硬啲嘅杯，可能會封唔到口，漏血。比較多經痛同尿道比較敏感嘅女仕用軟嘅杯就會好啲。
其實我算係子宮頸比較底，但Lily regular靚過MCUK好多，所以忍唔住買咗個返嚟:sweat_smile:。我將條尾剪到剩番最後個圈圈，個尾仲係會有少少頂出嚟，但唔會太唔舒服。不過淨係用過一兩次所以要用多一排先知係咪真係超鍾意。Si-bell都買咗，買咗個大因為最多流量嗰幾晚MCUK唔夠用，但未用住所以都係未知鐘唔鐘意。
香港人比較容易相信偽科學，而好多健康醫學上嘅嘢又大部份係英文，所以比較難傾。
1個讚
我諗大部分嘅香港人都好懶，怕麻煩，又唔係好想改變咁。以致好多時都會對月經杯卻步，其實我最糾結個位係每次換嘅時候會好難搞，尤其是香港好多地方嘅洗手間都未必咁衛生同比較細，換Ｍ巾已經好唔pleasant, 更可況係MCUP
我用Lily original都剪到最底，仍然頂住，我子宮頸比較低，所以依家就算買了original都係用番compact。
TPE材料我用過Meluna，用咗三次月經就開始變橢圓形，彈開的速度很慢，有時候會漏。所以我偏向矽膠的月經杯。如果流量好多，可以團購買femmy cycle，但呢個牌子個size好寬，未必個個鍾意。
睇左一d關於月經杯既資料，有d想試下轉用月經杯，不過心中仍然有d疑問。
- 綜合左d資料後，暫時想買Compact黎試，不過唔知買大定細size好。大既怕塞到痛，平時男朋友插入少少都覺得痛。細既又怕用幾個鐘就要倒，出街唔方便。
2.同埋睇左好多教點將月經杯塞入陰道，但我唔係好熟自己身體結構，唔知塞個陣應該用咩pose，係用係到定點
希望你地可以解答我既疑難啦
1.如果你平時好擔心有異物進入陰道，可以用手指試下先，因為唔習慣的話，我唔建議你買住。
2. 放進去陰道時應該半蹲，將月經杯折疊，可以用punch down fold 或者 C-fold