如何介定安全與否

同身邊好多朋友都有d唔清唔楚 唔知甘樣岩唔岩

我地知道如果男方有進入 就一定要有套先安全
但有時成日好怕帶唔岩 或者方法唔岩

此外如果唔進入呢?
直接接觸 都有機會有bb
但如果男方著住內褲呢?
又或者衣物沾有分秘 碰到又係咪會有bb?

希望得到解答等我地自己可以注意下 又唔洗成日虛驚🙏

1個讚

第一個問題先啦,condom未拆時留意包裝有冇破損,過期,兩樣都ok就小心撕開包裝,用指腹拎出嚟,避免指甲或者其他尖銳嘅野刮到個套,之後分返正反面,可以將個套「劣」落去就向外嘅,再用指腹將condom突起嘅儲精囊按實排走空氣,一路按實一路放係勃起嘅陰莖嘅龜頭上,有幾盡就「劣」幾盡到底。比多段片你睇下點用:

精子係空氣中嘅生存時間一般得幾分鐘,掂到衣物就更快死亡,所以你上面講嘅情況,導致懷孕嘅機會好微,不過為左安心起見,都建議返戴左套先接觸性器官,同埋用手觸摸到分泌物後,唔好直接觸摸性器官