同女朋友散左一星期,應該如何挽回?續 呢種性行為....是否不好..? 呢個post…
同女朋友散左就快2星期啦,佢提出分手。原因係佢覺得自己對我唔好,e.g: 1.有時佢知道自己應該要搵下我，但佢冇。因為佢果下想。2.佢覺得佢想見ge時候我就黎見佢,唔想ge時候就冇。佢覺得咁對我好衰，大概呢d原因所以分左。我前幾日見返佢，佢見到我係好開心，不過我問想一齊返，佢就話宜家唔啦，可能第時會。我曾經講過如果分左手我一定會再追佢同一直等佢。宜家其實大家間中都有whatsapp,同facebook。我約左佢下星期出去，打算正正式式再追佢。我知道可能時間上太快，亦明白要復合就必須了解分手原因，避免之後再有。但我驚時間耐左，佢對我感情更淡，所以希望趁住下星期約到佢，可以追佢。希望大家比d意見同教下我，謝謝
教就唔敢當 但係你打算點正正式式咁追返佢呢？
我都係覺得時間有啲短，可能未必夠大家沉澱一下感受，我覺得比返啲空間大家同了解下冇左對方嘅生活係點都可能係一件好事。但當然，咁可能會增加淡嘅風險。
但你都可以比啲時間自己諗下係咪咁愛佢，愛佢啲咩，係咪冇左佢唔得。
我打算再一次正正式式追佢。我明白呢段時間大家都需要d空間，但好難得下星期約到佢，我驚以後冇機會，我擔心時間耐左佢仲淡左。我地散左之後，我冇一日唔掛住佢，冇日唔掛住佢。每日都有好努力溫下書希望唔諗佢，但到之後，訓果時又諗又喊。
我真係好愛佢。呢2年幾有d咩辛苦咩煩惱都係同佢傾訴，多得佢陪住我。考公開試都因為佢更努加。我同佢無野係唔講得唔知得，不過佢有d自己野唔太話我知。雖然我地不太浪漫，但其實好似老夫老妻咁架，我覺得咁好安稳。雖然閰牛會嗌交，但其實我地之間相處方式幾好。我知道就算將來有比佢更好嘅女仔出現，我都唔理，因為我只想要佢一個。其實宜家我親手整緊孔花希望再追佢時送。我願意等佢，希望有一日會返黎我身邊。
唔知點解編輯唔到。。因為打錯好多字。。宜家回覆多次。。唔好意思
我真係好愛佢。呢2年幾有d咩辛苦咩煩惱都係同佢傾訴，多得佢陪住我。考公開試都因為佢更努加。我同佢無野係唔講得唔知得，不過佢有d自己野唔太話我知。雖然我地不太浪漫，但其實好似老夫老妻咁架，我覺得咁好安稳好有感，係第日唔會再有。雖然間中會嗌交，但其實我地之間相處方式幾好。我知道就算將來有比佢更好嘅女仔出現，我都唔理，因為我只想要佢一個。其實宜家我親手整緊扎花希望再追佢時送。我願意等佢，希望有一日會返黎我身邊。
明白 睇到你好愛你前女朋友
你下星期做返自己先 好好享受一下同佢相處嘅時間
唔可以否認 即使我哋好愛一個人都好 都未必可以開花結果 我相信你女朋友向你提出分手 一定有佢嘅原因同考慮嘅
所以都希望你有唔可以一齊返嘅心理準備先 但我亦都祝福你 希望有情人終成眷屬
我會好好享受同珍惜下星期同佢佢相處嘅時間, 我會真真正正送整親手整嘅花,再1次追佢。我知道如果我宜家唔追,好快就會淡,我就更加唔會有機會啦
我會盡力,無論結果得唔得都好,我都加油, 會再上返黎講返個結果
1個讚
今日先登入到…
上星期二我約左佢,我拎住果扎花再追佢。之後佢喊得好犀利。我話我知道宜家咁係太早，但我驚我果刻唔追以後冇機會。我果刻講左好多野,話希望佢可以重新再做我女朋友。不過好可惜佢話宜家唔想住，又話即使我唔介意佢成日唔理我好衰之類，但佢都覺得自己好衰。果日就大家都喊到好勁。之後星期五約左佢出街，佢肯去，經過星期二之後，佢竟然肯比我錫，唔抗拒。因為散之後佢會話我地分左架啦，而唔比。咁星期五果日我話可以再做我女朋友?佢話宜家唔想住，仲叫我等下，遲下或者有機會呢咁…
咁姐係代表咩…?我知道佢其中一個原因係要考dse,同埋我知道佢宜家仲鍾意我架。
另外，宜家係少左whatsapp,但如果我想見,佢宜家肯見。宜家其實佢同岩岩分果時都有分別架bo,宜家好似close d,似返返"曖昧"咁，但宜家佢就係比以前少左果種熱情同溝通。
唔好意思，打得有d亂。。
1個讚
咁可能你都要耐心等下先, 關係嘅嘢好難講的
明白,不過真係好想知道點解佢會咁同埋我應該點好…?宜家wts佢唔會主動搵我…
我真係唯有等。。。但佢唔會有日話不如一齊等等嘅說話，開口一定係我架bo