我係18歲男生，之前一直都係包莖(無法露出龜頭)，曾經擔心有包皮過長問題，但由於無阻礙自慰，所以一直冇處理。
數天前我與女朋友初次發生性關係，發現喺完成之後，整個龜頭已經外露。即使可以順利射精，但由於龜頭太敏感(基本上一掂就少刺痛)，所以不太舒服。
上網睇過，話因為以前一直係包莖所以龜頭未適應，過一段時間之後就會唔再敏感刺痛，可以盡情享受。
我想問：
1）網上資料係咪屬實
2）龜頭長期外露係咪十分正常
唔該曬！
其實都啱㗎，假如包皮冇過長或包莖，成年男性係勃起時，包皮會自動反下露出龜頭，如果冇勃起都仲係外露，有機會因為過往嘅包莖情況令皮膚失去彈性，相信會慢慢改善。咁過往係咪都因為包莖無法清潔龜頭、龜頭坑同部分包皮內側？如果係就襯依家做返相關清潔，相信都會令你嘅龜頭唔會過份敏感。