今日我同女朋友情到濃時之後做左愛 雖然沒有內射但始終冇用安全套 所以我同佢好擔心 有幾個問題想問 希望大家可以解答我
- book左家計會事後避孕服務 我同女朋友都想保密 吾知會吾會通知家長(我同佢都已經年滿16歲)
- 冇內射但分泌物會吾會導致懷孕？
- 係咪越遲食事後丸會越危險？
- 家計會大概幾錢？
你好啊，見你出左兩個相同嘅Post, 我就一次過回覆啦。
- 家計會唔會將病人資料隨便透露，而且16歲時有性行為唔係犯法，更加冇透露比家人嘅需要，詳情可以睇醫生時問埋
- 男性係性興奮時嘅分泌物同樣含有精子，雖然比射精一刻嘅量少，但仍有機會導致懷孕，所以都係做好避孕措施先有性器官嘅接觸
- 事後丸主要有兩款，一款係72小時內要服食，另一款係120小時內要服食，家計會處方會係後面果款。假如過左黃金時間，卵子已經受精，事後丸就難以發揮功效
- 家計會嘅網頁有列明收費，26歲以下嘅未婚人士可以參加家計會嘅青少年保健，價錢會低啲。
http://www.famplan.org.hk/fpahk/zh/template1.asp?content=services/clinic/services.asp&nscref=19
我想問就係食完事後丸 出現疲倦腹痛係咪正常？
同埋呢 食左事後丸係咪會陰道出血？如果冇係咪既係失敗？
腹痛、背痛及乳房脹痛等係家計會提供嘅事後丸嘅常見副作用，佢地都有列明依啲副作用。另外經期有可能會提早，所以未必係陰道出血，基本上服食事後丸後係冇徵兆話你知成功避孕，都要靠後來驗孕先知，不過只要係有效時間內食就避孕成功嘅機會都非常高
星期二食完事後丸之後就一直冇大便
想問便秘係咪有可能因為隻藥？ 因為一直每日都會有大便
影響腸胃就未聽過，不過便秘有好多原因嘅
咁最後一條問題 就係食左事後丸之後有冇話吾可以係短期內有性行為？
冇咁嘅限制，不過當然要做返好避孕措施
星期二食事後丸 之後今晚去廁所下體有血
我13號先月經 咁而家出血係咩事？
事後丸會有機會導致經期提早，因為佢係高劑量嘅荷爾蒙，所以會對經期做成唔穩定嘅情況