月經遲黎12日, 擔心懷孕

平時月經大概35日黎一次(一個月加一個禮拜)咁,今年八月開始就好定期一月黎一次。宜家十一月本應黎個次未黎,已經遲左12日。

同男友都係處,十一月開始有親密接觸:
無戴套:有雙方隔住底褲摩擦,試過佢有濕但佢話未係精液只係開始出汗。佢有用手隔住我底褲摩擦我下體。

有戴套:我有用手幫佢同口交,佢一直帶住套同射係套入面。

我5日前用過驗孕棒,結果係話無懷孕。其實理性上我知應該無可能(佢都未試過無隔住我底褲掂我下體因為我好驚,其實我連陰部係邊都5知,未試過自慰),但感性上好擔心好擔心因為我地真係5可以afford懷孕,忍5住多諗。

係咪真係無機會懷孕?

1個讚

你好!其實驗孕棒係如準確,假如唔肯定,可以多買幾個牌子做檢驗。同埋正確使用condom,係有好高嘅避孕成功機會㗎,可以放心啲:)

多謝回覆!
其實雙方隔住底褲摩擦,同佢用手隔住我底褲摩擦我下體,只係摩擦,無插入到我陰道,會5會有機會懷孕?

因為我知道口交同用手幫佢自慰係5會懷孕… 同埋我無掂過佢精液。

你所描述嘅情況,導致懷孕嘅機會好低,你近排會唔會多左壓力或健康麻麻食過藥或睡覺冇咁定時,依啲原因都有機會令經期唔準

近排訓覺同飲食5定時,壓力都大,而且壓力一大來源就係擔心懷孕…

咁其實做我上述所講既係米仲有小小機會懷孕?因為我男友話一定5會。就算今次無事都想知之後點處理,如果係有機會懷孕既我要同男友講清楚。

好多謝你既回覆!

始終我地依個平台都係從一個科學嘅角度去比意見或評論,除非你冇發生過性行為,我地都唔可以比一個100%機會率嘅答案。將來想放心啲,只要記住唔好將男性陰莖任何分泌物有機會帶到陰部附近。簡單嚟講,都係要先做好避孕措施。

多謝回覆,我以前一直以為只做呢D前戲,只要無入無射就一定5會懷孕…

因為男性係性興奮時,陰莖已經會有少量透明分泌,依啲分泌物都含有精子,所以唔可以掉以輕心

多謝,明白了,都同男友解釋左,以後會小心。

M仲未黎(今日係遲左第14日),琴日用左另一個牌子既驗孕棒,都係話無懷孕。

除左等M黎,仲有咩可以驗,先知一定無懷孕?

好擔心好辛苦,壓力好大,我覺得我受5住呢種等待。我都明咁大壓力只會令M更加遲黎,但我真係好辛苦好擔心。

最盡當然係搵醫生驗,例如家計會,不過真係你自己要放鬆啲先得,會唔會搵男朋友分擔下?再唔係同我地傾都得㗎

同男友講左啦。都好多謝你地聽我講…