如何清潔私處

其實真係一直無人教過,唔識點樣清潔陰部,同埋其實我連陰部結構都唔係好識,會唔會有動畫短片之類既教學視頻?(男朋友話見到陰部?有白色小點點)

最近開始想同男朋友性交,想知道點樣平時乾凈D?性交前後有咩清潔既野要特別注意呢?

多謝!!!

1個讚

依個係一個好好嘅問題, 片就暫時未有, 但係我都可以講下, 其實每日沖涼個時用清水沖洗一下陰部就得, 主要係沖洗一下陰毛、大同小陰唇嘅摺位,因為依D係最容易有污垢嘅地方,污垢就係由平時流汗同分泌物形成的。

依個係陰部嘅簡單外在結構:(陰道口入去就係陰道)

其實用水就夠清潔,如果冇特別痕同唔舒服唔好用其他嘢洗,因為女性分泌物有酸性,係有一個自我保護機制,可以抑制細菌。反而用其他嘢就好易洗走依D益菌。

係衛生角度而言,性交前,最好沖一沖涼,因為男性嘅陰莖可能都會有污垢帶到落我地脆弱嘅陰道到。性交時用套就會可以防止有感染,而性交後都可以沖洗一下陰部。如果係內射嘅話,部分精液都會流返出嚟,到時就要再清潔同換底底。

日常生活上,要保持陰部乾爽,唔好著太緊嘅褲,小便應該係由前抹向後,避免肛門細菌接觸到陰部。

有咩歡迎再問呀 :slight_smile:

2個讚

好多謝咁詳盡既回覆!